Har kuni bir xil taom tayyorlash oila a’zolarining ishtahasini bo‘g‘ishi tabiiy. Ammo mazali hamda sevimli bo‘lgan funchoza kundalik va bayram dasturxonlaridan hamisha o‘rin oladi. Uni turli xil souslar bilan tatib ko‘rish mumkin. Lekin barcha bekajonlar ham uni tayyorlashda o‘ziga xos nozik tomonlarini inobatga oladimi? Wday nashri funchoza tayyorlashda asqatadigan layfxaklar bilan bo‘lishdi.
Funchozanng turlari ko‘p. Qalinligi bilan ham, asosiy tarkibi bilan ham ajralib turadi. U guruch va kraxmaldan tayyorlanadi. Mashhur italyan taomi bo‘lgan makaron funchozaning ajdodi sifatida qaraladi.
Funchoza bir-biriga yopishmasligi va yumshoq bo‘lmasligi uchun qanday pishirish kerak:
Qalinligi 0,5 mm dan kam bo‘lgan ingichka pasta qaynatilmaydi. Chuqur idishga qaynoq suv bilan funchoza solinadi va qopqoq bilan yopiladi. 3-5 daqiqadan so‘ng u foydalanishga to‘liq tayyor bo‘ladi. Uni yuvish yoki yog‘lash kerak emas. Sous, go‘sht, sabzavotlar bilan ajoyib salat tayyorlash mumkin. Sho‘rvaga esa pishirishning oxirgi bosqichida qo‘shiladi.
Qalinroq funchozani ko‘p miqdorda qaynoq suvda qaynatish kerak. Pishirish vaqti shaffof bo‘lgunga qadar 2-4 daqiqani tashkil etadi. Pishirish vaqti uzoq davom etsa, mahsulot yumshoq va yopishqoq bo‘lib qolishi mumkin.
Uy sharoitida funchozani qanday pishirish kerak? Umumiy qoidalar
To‘g‘ri pishirilgan funchoza ko‘plab mazali taomlarning asosidir. Uni tayyorlash odatdagidan biroz farq qiladi:
- funchoza juda ko‘p suvda kuchli qaynatib olinadi;
- qaynatiladigan suvga bir qoshiq o‘simlik yog‘i qo‘shiladi, bu mahsulotning yopishmasligiga yordam beradi;
- qancha iste’mol qilinishiga qarab, shuncha funchoza pishirilishi kerak. Aks holda mahsulot bir-biriga yopishib, yaroqsiz holga keladi;
- tayyor bo‘lgan funchoza shaffof och kulrang bo‘ladi;
- qadoqqa e’tibor berish lozim, u yerda pishirish vaqtini yoki ma’lum turdagi tayyorlash usuli ko‘rsatiladi;
- tayyor bo‘lgan funchoza sovuq suv oqimi ostida yuviladi, bu uni tezda sovitish va maydalash imkonini beradi;
- funchozani faqat pishirilgan shaklda maydalash mumkin, uni spagetti kabi sindirib bo‘lmaydi.
Izoh (0)