Mandarin mavsumi qizg‘in pallada, ko‘p xonadonlarda ushbu sitrus mevalar kilolab iste’mol qilinadi va uning po‘stlog‘i esa axlatga tashlanadi. Biroq mandarinning po‘stidan ham samarali foydalanish mumkin. Delfi nashri mandarin po‘stlog‘idan qanday ishlarda foydalanish mumkinligi haqida ma’lumot berdi.
Kaminni yoqish uchun. Barcha sitrus mevalarning qobig‘i, ayniqsa, mandarinning po‘stlog‘ini quritib, olov yoqishda ishlatish mumkin. Mandarinning po‘stlog‘ini quriting va uni kamin yoki pechkaga solib olov yoqishda foydalaning. Yozgi issiq ob-havo paytida ham, bu quritilgan qobiqlar olov yoqishda ajralmas yordamchi hisoblanadi.
Uyni tozalash uchun. Mandarin po‘stlog‘i dam olish vaqtida uyni tozalashga yordam beradi — uni uydagi barcha yog‘li yuzalarga (shu jumladan idishlarga) surting, keyin iliq suv bilan yuving.
Noxush hidlarning oldini olish uchun. Mandarin po‘stlog‘i muzlatgichdagi barcha hidlarni ketkazadi. Uni javonlarga surting va yuzalarni iliq suv bilan yuving. Bitta mandarinning po‘stlog‘ini muzlatgichda qoldiring va uni bir necha kunda almashtiring. Muzlatgichingiz ajoyib hidga ega bo‘ladi.
Go‘zallik uchun. Mandarin po‘stlog‘ini iloji boricha mayda tishli qirg‘ichdan o‘tkazing, shakar bilan aralashtiring va havo o‘tkazmaydigan idishda saqlang. Sauna yoki hammomda foydalaning — bu tana skrabi teringizning yorqin ko‘rinishiga xizmat qiladi.
Mushuklar bilan kurashish uchun. Mandarin po‘stlog‘i mushuklarni belgilangan hududga kiritmaslik uchun yaxshi. Agar siz shunga o‘xshash muammoga duch kelsangiz, u bormasligi kerak bo‘lgan joylarda yangi mandarin po‘stlog‘ini qoldiring, shundan keyin mushuklar u yerga yaqinlasha olmaydi.
Ovqat pishirish uchun. Marmelad va mandarin po‘stlog‘i murabbosidan tashqari, uni go‘shtni qovurish paytida ham ishlatish mumkin. Mandarin po‘stlog‘i go‘shtga g‘ayrioddiy va o‘ziga xos ta’m beradi. Mandarin po‘stlog‘ini choyga qo‘shish mumkin, u ichimlikni yanada lazzatli qiladi.
Tirnoqlar salomatligi uchun. Har safar mandarin yeganingizda tirnoqlarni uning po‘stlog‘i bilan artib tashlash mumkin. Ushbu sitrus mevaning po‘stlog‘i tirnoqlarni yaxshi oqartiradi va mustahkamlaydi.
Mavzuga doir:
- Allergiya, jigar va buyrak kasalliklari: Qanday holatlarda mandarin iste’mol qilmaslik kerak?
- Tetiklik va yaxshi kayfiyat uchun: mandarin, ananas, banan va foydaning koni bo‘lgan boshqa qishki mahsulotlar.
- Mandarin tanlash bo‘yicha layfxak: qaysi biri shirin yoki nordon, qanday saqlash kerak?
- Mandarin iste’mol qilganda organizmda qanday o‘zgarish yuz beradi?
Izoh (0)