Mandarinlar Yangi yilning asosiy mahsulotlaridan biridir. Ammo ko‘pincha ular juda nordon chiqadi va kamroq iste’mol qilinadi. Ko‘pgina uy bekalari bunday mandarinlardan murabbo tayyorlaydi. Biroq nordon mandarinlarning mazasini yaxshilash uchun ikkita oddiy usul mavjud. Buning uchun mikroto‘lqinli pech yoki oddiy suv kerak bo‘ladi, deb yozadi “Profil”.
Mikroto‘lqinli pech
Pishmagan mandarinlar ko‘pincha nordon bo‘ladi. Ularni shirin qilish uchun mikroto‘lqinli pechda atigi 30 soniya davomida qoldirish kerak. Eng yuqori haroratda mevalar pishib, yanada mazali bo‘ladi. Shuni esda tutish kerakki, keyin ularni iste’mol qilishdan oldin sovitish kerak. Mandarinlarni muzlatkichga qo‘yish mumkin. Bundan tashqari, mikroto‘lqinli pechda pishgan mevalarni uzoq vaqt saqlab bo‘lmaydi. Bunday oddiy layfxak nafaqat mandarin, balki uzum va apelsinlar uchun ham qo‘l kelishi mumkin.
Suv
Tozalanmagan sitrus mevalarni chuqur idishga solib, suv bilan to‘ldirish kerak. Suv o‘ta issiq bo‘lmasligi, sovuq yoki xona haroratida bo‘lishi lozim. Eng maqbul ko‘rsatkich — 40 daraja. 10 daqiqa o‘tgandan keyin mandarinlarni tatib ko‘rish mumkin.
Agar meva shirin bo‘lsa, ularni suvdan olish kerak. Agar ta’m ma’qul kelmasa, unda mandarinlarni bir necha daqiqaga muzli suv bilan to‘ldirilgan idishga solish kerak. Harorat nordon mevalarni yanada shirinroq qilishi mumkin.
Bayramona dasturxonda nordon mandarinlar bo‘lishining oldini olish uchun ularni do‘kondan to‘g‘ri xarid qilish kerak. Mutaxassislarning ta’kidlashicha, mevaning og‘irligi, tashqi ko‘rinishi va xushbo‘yligiga e’tibor qaratish tavsiya etiladi.
Izoh (0)