Ҳар куни бир хил таом тайёрлаш оила аъзоларининг иштаҳасини бўғиши табиий. Аммо мазали ҳамда севимли бўлган фунчоза кундалик ва байрам дастурхонларидан ҳамиша ўрин олади. Уни турли хил соуслар билан татиб кўриш мумкин. Лекин барча бекажонлар ҳам уни тайёрлашда ўзига хос нозик томонларини инобатга оладими? Wday нашри фунчоза тайёрлашда асқатадиган лайфхаклар билан бўлишди.
Фунчозаннг турлари кўп. Қалинлиги билан ҳам, асосий таркиби билан ҳам ажралиб туради. У гуруч ва крахмалдан тайёрланади. Машҳур итальян таоми бўлган макарон фунчозанинг аждоди сифатида қаралади.
Фунчоза бир-бирига ёпишмаслиги ва юмшоқ бўлмаслиги учун қандай пишириш керак:
Қалинлиги 0,5 мм дан кам бўлган ингичка паста қайнатилмайди. Чуқур идишга қайноқ сув билан фунчоза солинади ва қопқоқ билан ёпилади. 3-5 дақиқадан сўнг у фойдаланишга тўлиқ тайёр бўлади. Уни ювиш ёки ёғлаш керак эмас. Соус, гўшт, сабзавотлар билан ажойиб салат тайёрлаш мумкин. Шўрвага эса пиширишнинг охирги босқичида қўшилади.
Қалинроқ фунчозани кўп миқдорда қайноқ сувда қайнатиш керак. Пишириш вақти шаффоф бўлгунга қадар 2-4 дақиқани ташкил этади. Пишириш вақти узоқ давом этса, маҳсулот юмшоқ ва ёпишқоқ бўлиб қолиши мумкин.
Уй шароитида фунчозани қандай пишириш керак? Умумий қоидалар
Тўғри пиширилган фунчоза кўплаб мазали таомларнинг асосидир. Уни тайёрлаш одатдагидан бироз фарқ қилади:
- фунчоза жуда кўп сувда кучли қайнатиб олинади;
- қайнатиладиган сувга бир қошиқ ўсимлик ёғи қўшилади, бу маҳсулотнинг ёпишмаслигига ёрдам беради;
- қанча истеъмол қилинишига қараб, шунча фунчоза пиширилиши керак. Акс ҳолда маҳсулот бир-бирига ёпишиб, яроқсиз ҳолга келади;
- тайёр бўлган фунчоза шаффоф оч кул ранг бўлади;
- қадоққа эътибор бериш лозим, у ерда пишириш вақтини ёки маълум турдаги тайёрлаш усули кўрсатилади;
- тайёр бўлган фунчоза совуқ сув оқими остида ювилади, бу уни тезда совитиш ва майдалаш имконини беради;
- фунчозани фақат пиширилган шаклда майдалаш мумкин, уни спагетти каби синдириб бўлмайди.
Изоҳ (0)