Forbes nashri Ukraina va Rossiyaning harbiy qudratini o‘zaro solishtirdi.
Ta’kidlanishicha, Ukraina va Rossiya o‘rtasida harbiy qudrat bo‘yicha farq tobora kamayib bormoqda. Buning ikkita sababi bor: birinchidan, Rossiya texnika va kuch bo‘yicha katta talafotlar ko‘rmoqda, ikkinchi tomondan esa Ukraina ittifoqdoshlarining ko‘magi bilan o‘z pozitsiyalarini mustahkamlamoqda.
Rossiya o‘z taktikasini o‘zgartirgani aytilmoqda. Qayd etilishicha, bu allaqachon uchinchi marta kuzatilmoqda:
- dastlab, rossiyaliklar og‘ir zirhli texnikaga va shiddatli ravishda yorib kirishga umid bog‘lagan edi;
- yozda ular taktikani o‘zgartirib, hujumlar uchun zirhli texnika va piyoda askarlar guruhlaridan foydalanishni boshladi;
- endi esa hujum asosan artilleriya ko‘magida piyoda kuchlari tomonidan amalga oshirilmoqda.
Artilleriya borasida, o‘n millionlab eski sovet snaryadlarini hisobga olganda, Rossiya yaqin orada biror muammoga duch kelishi amri mahol. Biroq unda 20 kilometrdan uzoqroq masofalar uchun tanqisroq snaryadlar tugab bormoqda.
Ukraina esa 20—80 km masofalar bo‘yicha ustunlikka ega bo‘lib turibdi. Ammo 155 millimetrlik snaryadlar va baravar o‘t ochish tizimlari zaxiralari cheklangan. Logistika yo‘llarini to‘sib qo‘yish va zaxiralarni tugatish — Ukraina qarshi hujumining dastlabki sharti. Shu sababli, Ukraina uchun uzoq masofali tizimlar va snaryadlarni qo‘lga kiritish muhim ahamiyatga ega, deyiladi xabarda.
Izoh (0)