Serbiya prezidenti Aleksandr Vuchich Turkiyaning qisman tan olingan Kosovoga “Bayraktar” dronlarini yuborish niyatini qoraladi, deb xabar bermoqda “TASS”.
“Turklar Prishtinaga ‘Bayraktar’larni beramiz desa, bu biz uchun oddiy yoki yaxshi xabar emas, aksincha. Biz Turkiya prezidenti Rajab Toyyib Erdo‘g‘onni juda hurmat qilamiz, lekin bu munosabatlarimizga ta’sir qilishi shubhasiz”, — deydi Vuchich.
Uning ta’kidlashicha, bunday harakatlar Serbiya tayyorgarlik ko‘rishi, ya’ni tegishli havo hujumidan mudofaa tizimlariga ega bo‘lishi kerakligini anglatadi.
Avvalroq Kosovo mudofaa vazirligi miqdori 30 million yevroga yaqin zamonaviy qurol-yarog‘larning yirik partiyasi kelishi kutilayotganini xabar qilgandi. Bolgariya—Shimoliy Makedoniya chegarasida zamonaviy qurollar, xususan, minomyot va snaryadlar ortilgan 11 ta yuk mashinasini ko‘rishgan. Yuk mashinalari Kosovo va Metoxiya hududi tomon harakatlanayotgan bo‘lgan. Serbiya OAV ma’lumotlariga ko‘ra, yuklar Turkiyadan jo‘natilgan va qiymati 27,5 million yevroni tashkil qiladi.
Izoh (0)