Forbes нашри Украина ва Россиянинг ҳарбий қудратини ўзаро солиштирди.
Таъкидланишича, Украина ва Россия ўртасида ҳарбий қудрат бўйича фарқ тобора камайиб бормоқда. Бунинг иккита сабаби бор: биринчидан, Россия техника ва куч бўйича катта талафотлар кўрмоқда, иккинчи томондан эса Украина иттифоқдошларининг кўмаги билан ўз позицияларини мустаҳкамламоқда.
Россия ўз тактикасини ўзгартиргани айтилмоқда. Қайд этилишича, бу аллақачон учинчи марта кузатилмоқда:
- дастлаб, россияликлар оғир зирҳли техникага ва шиддатли равишда ёриб киришга умид боғлаган эди;
- ёзда улар тактикани ўзгартириб, ҳужумлар учун зирҳли техника ва пиёда аскарлар гуруҳларидан фойдаланишни бошлади;
- энди эса ҳужум асосан артиллерия кўмагида пиёда кучлари томонидан амалга оширилмоқда.
Артиллерия борасида, ўн миллионлаб эски совет снарядларини ҳисобга олганда, Россия яқин орада бирор муаммога дуч келиши амри маҳол. Бироқ унда 20 километрдан узоқроқ масофалар учун танқисроқ снарядлар тугаб бормоқда.
Украина эса 20—80 км масофалар бўйича устунликка эга бўлиб турибди. Аммо 155 миллиметрлик снарядлар ва баравар ўт очиш тизимлари захиралари чекланган. Логистика йўлларини тўсиб қўйиш ва захираларни тугатиш — Украина қарши ҳужумининг дастлабки шарти. Шу сабабли, Украина учун узоқ масофали тизимлар ва снарядларни қўлга киритиш муҳим аҳамиятга эга, дейилади хабарда.
Изоҳ (0)