AQSH Kongressi Vakillar palatasining 2021-yil yanvarida Kapitoliyga qilingan hujumni tergov qilish bo‘yicha saylovchi qo‘mitasi sobiq prezident Donald Trampga nisbatan jinoiy ish qo‘zg‘atishni tavsiya qildi.
Qo‘mita fikricha, Trampga qurolli isyon, yolg‘on guvohlik berish uchun, federal hukumatga nisbatan firibgarlik va rasmiy jarayonga to‘sqinlik qilish uchun til biriktirish bo‘yicha ayblovlar qo‘yilishi kerak.
Qo‘mita tavsiyasi majburlash kuchiga emas, ayblov qo‘zg‘atish to‘g‘risida qaror Adliya vazirligi tomonidan qabul qilinadi. Vazirlik hozircha qo‘mita taklifiga munosabat bildirmagan.
Kapitoliyga hujum bo‘yicha tergov qo‘mitasi 18 oy ish olib bordi. Qo‘mita 2022-yil oktabr oyida o‘z ishining asosiy xulosalarini taqdim etgandi: Tramp boshidanoq, mag‘lubiyatga uchragan taqdirda saylov natijalarini tan olmaslikni rejalashtirgan va aynan uning harakatlari namoyishchilarni shturmga ilhomlantirgan.
Qo‘mita asosan demokratlardan iborat, Respublikachilar partiyasi vakillarining aksariyati uning ishida qatnashishdan bosh tortgan.
Eslatib o‘tamiz, 2021-yil 6-yanvar kuni AQSH Kongressi a’zolari Donald Trampning prezidentlik saylovlarida mag‘lub bo‘lganini tasdiqlash uchun yig‘ilgan vaqtda Trampning tarafdorlari Kongressga bostirib kirgan. Politsiya bir necha soat o‘tibgina namoyishchilarni Kapitoliydan haydab chiqarishga muvaffaq bo‘lgan. Huquq-tartibot organlari xodimlari o‘qotar qurol, dubinka, ko‘zdan yosh oqizuvchi gazdan foydalangan. Hodisada Kapitoliy xavfsizlik xodimi bilan birgalikda, besh kishi halok bo‘lgan
Izoh (0)