AQSH armiyasi jang maydonida havo hududini boshqarish samaradorligini oshirish uchun sun’iy intellekt (SI) texnologiyalaridan foydalanishni rejalashtirmoqda. Bu haqda “Defense One” portali davlat xaridlari reyestridagi hujjatga asoslanib xabar berdi.
“Ushbu ma’lumot so‘rovi havodagi murakkab operatsiyalarni boshqarishda qo‘mondonlar duch keladigan kognitiv yuk muammosini hal etishga qaratilgan”, deyiladi hujjatda.
Ta’kidlanishicha, ilg‘or texnologiyalarni joriy etish va mashinali o‘rganish dronlardan keladigan ortib borayotgan tahdidga qarshi samaraliroq kurashishga yordam beradi.
Armiya sun’iy intellekt yechimlarini yetkazib beruvchilardan ham, sun’iy intellekt texnologiyalarini integratsiyalash bo‘yicha uzoq muddatli konsepsiyalarni taqdim etishga tayyor kompaniyalardan ham javob kutmoqda. Shunday qilib, Amerika quruqlik kuchlari bir nechta quruqlikda, havoda va suvda bir vaqtning o‘zida qarama-qarshilik, dushman tomonidan uchuvchisiz uchish apparatlaridan keng foydalanish, havo bo‘shlig‘ining turli xil obyektlar bilan to‘lib ketishi va katta hajmdagi ma’lumotlarni qayta ishlash asosida tezkor qaror qabul qilish zarurati omillarni hisobga olmoqchi.
Bundan oldin Pentagon harbiylar tomonidan yangi texnologiyalarni joriy etishni tezlashtirish uchun sun’iy intellekt tizimlarining to‘rtta yetakchi ishlab chiqaruvchisi bilan shartnomalar tuzgan edi. Bloomberg agentligi xabar qilishicha, shartnomalarni Google, OpenAI, xAI va Anthropic kompaniyalari qo‘lga kiritgan. Har bir shartnoma kamida 200 million dollarga baholanmoqda, ammo aniq summa hozircha e’lon qilinmagan.
Izoh (0)