АҚШ Конгресси Вакиллар палатасининг 2021 йил январида Капитолийга қилинган ҳужумни тергов қилиш бўйича сайловчи қўмитаси собиқ президент Дональд Трампга нисбатан жиноий иш қўзғатишни тавсия қилди.
Қўмита фикрича, Трампга қуролли исён, ёлғон гувоҳлик бериш учун, федерал ҳукуматга нисбатан фирибгарлик ва расмий жараёнга тўсқинлик қилиш учун тил бириктириш бўйича айбловлар қўйилиши керак.
Қўмита тавсияси мажбурлаш кучига эмас, айблов қўзғатиш тўғрисида қарор Адлия вазирлиги томонидан қабул қилинади. Вазирлик ҳозирча қўмита таклифига муносабат билдирмаган.
Капитолийга ҳужум бўйича тергов қўмитаси 18 ой иш олиб борди. Қўмита 2022 йил октябрь ойида ўз ишининг асосий хулосаларини тақдим этганди: Трамп бошиданоқ, мағлубиятга учраган тақдирда сайлов натижаларини тан олмасликни режалаштирган ва айнан унинг ҳаракатлари намойишчиларни штурмга илҳомлантирган.
Қўмита асосан демократлардан иборат, Республикачилар партияси вакилларининг аксарияти унинг ишида қатнашишдан бош тортган.
Эслатиб ўтамиз, 2021 йил 6 январь куни АҚШ Конгресси аъзолари Дональд Трампнинг президентлик сайловларида мағлуб бўлганини тасдиқлаш учун йиғилган вақтда Трампнинг тарафдорлари Конгрессга бостириб кирган. Полиция бир неча соат ўтибгина намойишчиларни Капитолийдан ҳайдаб чиқаришга муваффақ бўлган. Ҳуқуқ-тартибот органлари ходимлари ўқотар қурол, дубинка, кўздан ёш оқизувчи газдан фойдаланган. Ҳодисада Капитолий хавфсизлик ходими билан биргаликда, беш киши ҳалок бўлган
Изоҳ (0)