Lazanya — italyan oshxonasining asosiy taomlaridan biri bo‘lib, u kuzda, xuddi italyan filmlarida bo‘lgani kabi, stolga ko‘rk berish uchun mo‘ljallangan. Qovoqli lazanya — to‘yimli va shu bilan birga foydali xususiyatlarga ega. Bundan tashqari go‘shtli taomdan oldin qovoqli lazanyani bemalol iste’mol qilish mumkin. Xushbo‘y hidga ega va dimlab pishiriladigan lazanya kechki ziyofat uchun klassik taom hisoblanadi.
Kerakli masalliqlar:
- pishloq — 200 g
- lazanya uchun xamir — 9 dona
- qovoq — 300 g
- sariyog‘ — 20 g
- quritilgan kekik - 1 choy qoshiq
- maydalangan muskat yong‘og‘i
- bug‘doy uni - 2 osh qoshiq
- sabzi — 1 dona
- qovoqcha — 1 dona
- baqlajon — 1 dona
- piyoz — 1 dona
- zaytun yog‘i
- tuz
- quritilgan yalpiz — 1 qoshiq
- sut — 400 g
- sarimsoq — 2 donacha
- tomat pastasi
- Piyoz, sarimsoqni mayda qilib to‘g‘rang va zaytun yog‘ida qovuring.
- Unga qolgan sabzavotlarni va qovoqchani to‘g‘rab qo‘shing. Ustiga quritilgan kekik, yalpiz, tuz solib aralashtiring. Barchasini aralashtirganingizdan so‘ng makaron qo‘shing. Taxminan 15 daqiqa davomida o‘rtacha olovda pishiring.
- Beshamelni tayyorlang. Unni sariyog‘da qovuring. Ustiga sut soling va aralashtirib, 5 daqiqa qaynatib oling. Pishloqning yarmini mayda qirg‘ichdan o‘tkazing va sutga qo‘shing. So‘ngra tuz va muskat yong‘og‘ini soling. Har bir narsani yaxshilab aralashtiring.
- Pishiriladigan idishga biroz beshamel sousini quying. Ustidan lazanya xamirini qo‘yib qovurilgan sabzavotlar va sousni soling. Yana bir qavatiga lazanya xamiri, sabzavot va sous bilan soling. Yetarli sous va sabzavotlar bo‘lguncha qavatlar hosil qiling.
- Oxirgi qatlamni lazanya xamiri, sous va qolgan pishloq bilan to‘ldiring. Taomni gaz pechida 200 daraja haroratda yoki mikroto‘lqinli pechda 40 daqiqa davomida pishiring. Xushbo‘y lazanya tayyor!
Mavzuga doir:
Izoh (0)