Makaronli taomning yaxshi chiqishi uchun avvalo makaronni to‘g‘ri tanlay bilish kerak. Asosan bug‘doydan, tarkibida protein yuqori bo‘lgan makaronlar taomning mazali chiqishiga yordam beradi. Elle nashri makaronlarga ikki xil mahsulot qo‘shib tayyorlanadigan taomlar retseptini taqdim etdi.
Qovoqcha va pishloq qo‘shib tayyorlanadigan makaronli taom retsepti
Spagetti Grossi Rummo (ingichka va uzun)
Kerakli masalliqlar:
- qovoqcha — o‘rtacha kattalikdagi 1 ta yoki 2 ta
- qattiq pishloq
Makaronni tuz qo‘shilgan qaynoq suvga soling. Uni yumshoq bo‘lguncha, biroq qattiqligi saqlangan holatda taxminan 5-6 daqiqa qaynatib oling. Qovoqchani uzunasiga yoki parrak shaklida kesib oling, unga sarimsoq, tuz qo‘shib qizargunga qadar zaytun yog‘ida qovuring. So‘ngra ularni qog‘oz sochiq ustiga qo‘ying. Qovoqchani pishirilgan makaron bilan aralashtiring. Ustiga makaron pishirilgan suvdan bir necha qoshiq qo‘shing. Qovoqchaga qattiq pishloq qo‘shib aralashtiring va qaymoqli sousni tayyorlash uchun idishga suv soling. Taomni dasturxonga tortayotgan vaqtda ustiga yashil rayhon qo‘shing.
Tunets balig‘i va pomidor qo‘shilgan makaronli taom
Rummo Farfalle makaroni
Kerakli masalliqlar:
- cherri pomidorlari — 400 gramm yoki tayyor quritilgan pomidor
- tunets balig‘i — 1 quti
Pomidorlarni pishirish — cherri pomidorlarini yarmiga bo‘ling va pergamentga kesilgan tomonini qo‘ying. Unga zaytun yog‘i, shakar, tuz, mayda to‘g‘ralgan sarimsoq va maydalangan limon po‘stini qo‘shib, pechda 100 daraja haroratda ikki soat davomida pishiring.
Makaronini qadoqdagi vaqtiga ko‘ra qaynatib oling, ustiga sovuq suv quyib to‘kib tashlang. Makaronga pomidorlarni va pergamentda to‘plangan pomidor sharbati, mayda to‘g‘ralgan tunets balig‘ini qo‘shing. Taomni dasturxonga tortishdan oldin ustiga rayhon barglarini soling.
Mavzuga doir:
Izoh (0)