Лазанья — итальян ошхонасининг асосий таомларидан бири бўлиб, у кузда, худди итальян фильмларида бўлгани каби, столга кўрк бериш учун мўлжалланган. Қовоқли лазаня — тўйимли ва шу билан бирга фойдали хусусиятларга эга. Бундан ташқари гўштли таомдан олдин қовоқли лазаняни бемалол истеъмол қилиш мумкин. Хушбўй ҳидга эга ва димлаб пишириладиган лазаня кечки зиёфат учун классик таом ҳисобланади.
Керакли масаллиқлар:
- пишлоқ — 200 г
- лазаня учун хамир — 9 дона
- қовоқ — 300 г
- сариёғ — 20 г
- қуритилган кекик - 1 чой қошиқ
- майдаланган мускат ёнғоғи
- буғдой уни - 2 ош қошиқ
- сабзи — 1 дона
- қовоқча — 1 дона
- бақлажон — 1 дона
- пиёз — 1 дона
- зайтун ёғи
- туз
- қуритилган ялпиз — 1 қошиқ
- сут — 400 г
- саримсоқ — 2 донача
- томат пастаси
- Пиёз, саримсоқни майда қилиб тўғранг ва зайтун ёғида қовуринг.
- Унга қолган сабзавотларни ва қовоқчани тўғраб қўшинг. Устига қуритилган кекик, ялпиз, туз солиб аралаштиринг. Барчасини аралаштирганингиздан сўнг макарон қўшинг. Тахминан 15 дақиқа давомида ўртача оловда пиширинг.
- Бешамелни тайёрланг. Унни сариёғда қовуринг. Устига сут солинг ва аралаштириб, 5 дақиқа қайнатиб олинг. Пишлоқнинг ярмини майда қирғичдан ўтказинг ва сутга қўшинг. Сўнгра туз ва мускат ёнғоғини солинг. Ҳар бир нарсани яхшилаб аралаштиринг.
- Пишириладиган идишга бироз бешамел соусини қуйинг. Устидан лазаня хамирини қўйиб қовурилган сабзавотлар ва соусни солинг. Яна бир қаватига лазаня хамири, сабзавот ва соус билан солинг. Етарли соус ва сабзавотлар бўлгунча қаватлар ҳосил қилинг.
- Охирги қатламни лазаня хамири, соус ва қолган пишлоқ билан тўлдиринг. Таомни газ печида 200 даража ҳароратда ёки микротўлқинли печда 40 дақиқа давомида пиширинг. Хушбўй лазаня тайёр!
Мавзуга доир:
Изоҳ (0)