Urush Rossiya uchun qimmat va zararli bo‘lib chiqdi — Britaniya razvedkasi

Buyuk Britaniya razvedkasi Rossiyaning Ukrainaga qarshi to‘liq ko‘lamdagi urushining o‘tgan olti oyi yakunlari bo‘yicha o‘z xulosalarini e’lon qildi.

Razvedkachilar ma’lum qilishicha, 2014-yildan buyon Rossiya prezidenti Vladimir Putin Rossiyaning Ukrainadagi ta’sirini kuchaytirish va mamlakatning suveren ishlariga aralashish uchun harbiy kuch va “majburiy” diplomatiya uyg‘unligidan foydalanishga harakat qilgan.

Roppa-rosa olti oy avval Rossiya hokimiyatni ag‘darib, hududlarning katta qismini bosib olish uchun Ukrainaga qarshi to‘liq ko‘lamda urush boshlagan, ammo aprelga kelib, Kremldagilar buni amalga oshirib bo‘lmasligini tushungan va shu sababli sharq va janubdagi “kamtarroq”nishonlarga qaytgan, deyiladi ma’lumotda.

Ta’kidlanishicha, Rossiyaning Donbassdagi hujumlari minimal ravishda siljimoqda va ular Ukraina Qurolli kuchlarining yirik qarshi hujumini kutmoqda, tezkor munosabatda esa istilochilar armiyasida o‘q-dorilar, transport vositalari va shaxsiy tarkib bo‘yicha yetishmovchiliklar kuzatilmoqda.

“Rossiya Qurolli kuchlarining ko‘pchilik qismlarida ma’naviy ruh yaxshi emas, armiya sezilarli ravishda degradatsiya qilgan. Putinning diplomatik ta’siri kamaygan, uning uzoq muddatli iqtisodiy istiqbollari esa qayg‘uli. Olti oy o‘tdi, Rossiyaning urushi esa qimmat va strategik zararli bo‘lib chiqdi”, — deya xulosa qilinadi ma’lumotda.