Ottavada Buyuk Britaniyaning sobiq bosh vaziri Uinston Cherchillning eng mashhur fotosuratlaridan biri o‘g‘irlab ketildi. Bu haqda Kanadaning CTV nashriga tayanib, Meduza xabar bermoqda.
Nashrning ma’lum qilishicha, kanadalik fotograf Yusuf Qarsh tomonidan 1941-yil dekabr oyida olingan “Bo‘kirgan sher” surati Chateau Laurier mehmonxonasidan o‘g‘irlab ketilgan. Dam olish kunlari mehmonxona xodimlari mashhur surat uning nusxasiga almashtirilganini payqab qolgan.
Biz bu shafqatsiz xatti-harakatdan chuqur qayg‘udamiz. Ehtiyot chorasi sifatida o‘quv zalidagi qolgan fotosuratlar ishonchli himoyalanmaguncha olib tashlandi, — dedi Chateau Laurier bosh direktori Jenevyev Dyumas.Surat Cherchillning Kanada parlamentidagi nutqidan keyin olingan. Suratga olish paytida sodir bo‘lgan voqea tufayli tasvir “Bo‘kirgan sher” nomini olgan. Suratda Cherchill sigaretsiz ko‘ringani bilan mashhur edi.
Ma’lumotlarga qaraganda, suratga olishdan oldin Yusuf Qarsh so‘ramay, Cherchilldan sigaretni olib, sobiq bosh vazirning kameraga qarab qo‘rqib ketishiga sabab bo‘lgan. Shundan keyin u bu harakatlariga izoh berar ekan:
Siz hatto bo‘kirgan sherni ham suratga olish uchun qo‘zg‘almas qilib qo‘yishingiz mumkin, — deydi.Bir necha soniyadan so‘ng bosh vazir xushmuomalalik bilan jilmaygan ikkinchi surat ham olingan.
Izoh (0)