Rossiyaning Yekaterinburg shahri sobiq meri Yevgeniy Royzman armiyani obro‘sizlantirganlik haqidagi jinoyat ishi bo‘yicha qo‘lga olindi, deb yozadi Meduza.
“280-modda, uchinchi qism. Ish Moskvada”, — deya siyosatchi o‘z xonadoni derazasidan baqirib ma’lum qilgan jurnalistlarga.
OAVlar ma’lumotlariga ko‘ra, gap RF Jinoyat kodeksining 280.3-moddasi (Qurolli kuchlardan foydalanishni obro‘sizlantirishga qaratilgan oshkora harakatlar) haqida bormoqda. Ushbu modda bo‘yicha ish ochilishi uchun, odam “obro‘sizlantirish haqidagi ma’muriy modda bilan jarimaga tortilgan va bir yil ichida shunga o‘xshash qoidabuzarlikni amalga oshirgan bo‘lishi kerak. U bo‘yicha maksimal jazo — besh yilgacha ozodlikdan mahrum qilish.
“TASS” manbasiga ko‘ra, Royzmanga nisbatan jinoyat ishi uning YouTube-kanaliga joylangan video tufayli qo‘zg‘atilgan.
Politsiyachilar Royzmanni 24-avgust kuni erta tongda qo‘lga olgan. Ushbu jarayon aks etgan videoni Mash Telegram-kanali e’lon qildi.
Videoda kamida olti nafar niqob taqqan xavfsizlik xodimlari turar joy podeyaziga kirib, Royzmanning xonadoniga chiqqan, u eshikni ochgan. Kuch organlari xodimasining tintuv o‘tkazish va jinoyat ishi qo‘zg‘atilishi haqidagi gaplaridan keyin video tugagan.
Siyosatchining yordamchisi Leyla Gusanovaning so‘zlariga ko‘ra, Royzman tomonidan ochilgan muzayga va “Yevgeniy Royzman fondi” ofisiga ham tintuv o‘tkazish uchun kelishgan. SIyosatchining advokati Vladislav Idamjapov o‘z mijozi bilan ko‘risha olmayotganini aytgan.
2022-yil mart-aprelida Yevgeniy Royzman Rossiya harbiylarini obro‘sizlantirganlik haqidagi ma’muriy modda bo‘yicha uch marta jarimaga tortilgan edi. Protokollar tuzish uchun uning tviti, Telegram’dagi posti va videodagi gaplari sabab bo‘lgan.
May oyida Royzmanga Rossiya tashqi ishlar vaziri Sergey Lavrovning bayonoti haqidagi tviti tufayli “hukumatga hurmatsizlik” uchun yana 85 ming rubl jarima solingan.
Mavzuga doir: Moskvada muxolifatchi Ilya Yashin qo‘lga olindi
Izoh (0)