Xitoyning Alibaba korporatsiyasi xarajatlarni kamaytirish maqsadida 2022-yilning ikkinchi choragida xodimlar sonini 9241 nafarga qisqartirdi. Bu haqda seshanba kuni kompaniya press-reliziga tayanib, Bloomberg agentligi xabar berdi.
Agentlikning aniqlik kiritishicha, ishchilar sonini qisqartirishga inflyatsiyaning o‘sishi, materiallar narxining oshishi va siyosiy keskinliklar sabab bo‘lgan. Hozirda kompaniyada 245,7 ming kishi ishlaydi.
Jahon elektron tijorat yetakchisining ikkinchi chorakdagi daromadi 205,55 milliard yuanni (taxminan 30,68 milliard dollar) tashkil etgan bo‘lsa, birinchi chorakda bu ko‘rsatkich 204,05 milliard yuan (taxminan 30,4 milliard dollar) darajasida edi.
Avvalroq Dunyodagi eng qimmat brendlar ma’lum bo‘lgandi. Ular orasidan Alibaba ham joy olgan.
Izoh (0)