Joriy yilning dastlabki to‘rt oyi davomida dunyodagi eng yirik kompaniya va korporatsiyalar yetti chorakda birinchi marta daromadlari pasaygan. Bu haqda Yaponiyaning Nikkei nashri nashr buyurtmasi bo‘yicha Quick FactSet o‘tkazgan tadqiqotiga tayanib xabar bermoqda.
Tadqiqot natijalariga ko‘ra, jami bozor kapitallashuvining qariyb 80 foizini tashkil etuvchi Yaponiya, AQSH, Yevropa va Xitoydagi eng yaxshi 4,5 mingta kompaniyaning umumiy foydasi joriy yilning aprel—iyun oylarida 7 foizga kamayib, 849,3 mlrd dollarni tashkil etgan.
Foydaning pasayishi quyidagi sohalarda kuzatilgan:
- Avto — 29 foizga;
- Elektronika — 18 foizga;
- Maishiy texnika — 4 foizga.
Kompaniyalar foydasining pasayishi 2020-yilning iyul—sentabr oylaridan beri birinchi bo‘ldi.
Buning asosiy sabablari — energiya narxining oshishi va Xitoyning bir qator shaharlarida koronavirus tarqalishi fonida blokirovkalarning joriy etilishi.
Biroq, daromadning yetti chorak ichida birinchi marta pasayishiga qaramay, dunyodagi eng yirik kompaniyalarning daromadlari darajasi 2019-yilning shu davriga nisbatan o‘rtacha 40 foizga yuqori bo‘ldi.
Mutaxassislarning fikricha, joriy yilning iyul—sentabr oylarida kompaniyalar foydaning 12 foizga o‘sishiga erishadi.
Mart oyida Bloomberg AQSH Savdo vazirligi ma’lumotlariga tayanib, 2021-yilda AQSH kompaniyalarining umumiy rentabelligi 35 foizga oshgani haqida xabar bergan edi.
Bu ko‘rsatkich so‘nggi 70 yildagi rekord bo‘ldi. To‘rt chorak davomida kompaniyaning marjasi (foyda-daromad nisbati) 13 foizdan oshdi, bu 1950-yildan beri eng yuqori ko‘rsatkichdir.
Izoh (0)