Turkiyaning Adana shahridagi qidiruv quduqlarida yuqori sifatli neft topildi. Bu haqda Turkiya prezidenti Rajab Toyyib Erdo‘g‘on Turkiya vazirlar mahkamasi yig‘ilishi yakunlari bo‘yicha telemurojaatida ma’lum qildi.
“Adanada qidiruv ishlari olib borilayotgan ikkita quduqda yuqori sifatli neft topildi. Zaxiralarning qiymati taxminan 1 milliard dollarga baholanmoqda”, — dedi Erdo‘g‘on.
Turkiya Energetika va tabiiy manbalar vaziri o‘rinbosari Alparslan Bayraktar avvalroq Turkiya 2022-yilda gaz iste’molini oshirib, yoqilg‘i yetkazib berish imkoniyatlarini kengaytirmoqchi ekanini aytgandi.
Mamlakat uzoq muddatli neft va gazni qidirish dasturlarini ishlab chiqmoqda va infratuzilmaga sarmoya kiritmoqda, degan u.
Turkiya Ozarbayjon, Gruziya, Gretsiya, Albaniya va Italiya bilan ikkita yirik loyihani boshlab yuborgan.
Avvalroq Rossiyaning Osiyoga neft eksporti misli ko‘rilmagan darajada ko‘paygani haqida xabar berilgandi.
Izoh (0)