Туркиянинг Адана шаҳридаги қидирув қудуқларида юқори сифатли нефть топилди. Бу ҳақда Туркия президенти Ражаб Тоййиб Эрдўғон Туркия вазирлар маҳкамаси йиғилиши якунлари бўйича телемурожаатида маълум қилди.
«Аданада қидирув ишлари олиб борилаётган иккита қудуқда юқори сифатли нефть топилди. Захираларнинг қиймати тахминан 1 миллиард долларга баҳоланмоқда», — деди Эрдўғон.
Туркия Энергетика ва табиий манбалар вазири ўринбосари Алпарслан Байрактар аввалроқ Туркия 2022 йилда газ истеъмолини ошириб, ёқилғи етказиб бериш имкониятларини кенгайтирмоқчи эканини айтганди.
Мамлакат узоқ муддатли нефть ва газни қидириш дастурларини ишлаб чиқмоқда ва инфратузилмага сармоя киритмоқда, деган у.
Туркия Озарбайжон, Грузия, Греция, Албания ва Италия билан иккита йирик лойиҳани бошлаб юборган.
Аввалроқ Россиянинг Осиёга нефть экспорти мисли кўрилмаган даражада кўпайгани ҳақида хабар берилганди.
Изоҳ (0)