Xarkovda un uchun navbat. Buchada o‘q izlari ustidan chizilgan gullar. Urushning 89-kunidan fotoreportaj
Rossiya Donbassda hujumni davom ettirmoqda. Ukraina prezidenti Vladimir Zelenskiy 23-may kungi nutqida Rossiya qo‘shinlari Bahmut, Popasna va Severodonetsk shaharlari yo‘nalishida faollik ko‘rsatayotganini aytdi. Xarkov yo‘nalishida Rossiya orqaga chekinmoqda, ammo Ukraina Qurolli kuchlari Bosh shtabi ma’lumotlariga ko‘ra, u ilgari bosib olingan hududlarni ushlab turish uchun kurashmoqda. Mariupolda epidemiya xavfi kuchaymoqda: shahar meri maslahatchisi Pyotr Andryushchenkoning so‘zlariga ko‘ra, shiddatli yomg‘ir chiqindi va murdalar zaxarini tarqatgan.
Kiyev sudi rossiyalik serjant Vadim Shishimarinni tinch fuqaroni o‘ldirganlikda ayblab, umrbod qamoq jazosiga hukm qildi. Britaniya razvedkasi ma’lumotlariga ko‘ra, Afg‘onistondagi to‘qqiz yillik urushda SSSR qancha harbiysini yo‘qotgan bo‘lsa, Ukrainadagi urushning dastlabki uch oyida Rossiya shuncha qurbon bergan bo‘lishi mumkin. BMT hisob-kitoblariga ko‘ra, tarixda birinchi marta dunyodagi qochqinlar soni 100 million kishidan oshdi. Meduza urushning sakson to‘qqizinchi kuniga oid fotosuratlarni jamladi.
Donbass shimoli
Lisichansk shahri atrofi, shahar Donbass uchun kechayotgan jangning eng qaynoq nuqtalaridan biriga aylangan. Vladimir Zelenskiy 23-may kuni kechki murojaatida shunday dedi: “Donbassdagi vaziyat hozir eng og‘ir. Bahmut, Popasnaya, Severodonetsk — bu yo‘nalishda rus qo‘shinlari eng katta faollikni jamlagan. Hech kim Donbassni Rossiya harbiylaridek vayron qilmagandi”.Foto: AFP
Ukrainalik askar Lisichansk yaqinida Ukraina armiyasining shikastlangan zirhli mashinalari yonidadan o‘tmoqda. Zelenskiyning so‘zlariga ko‘ra, Rossiya armiyasi Donbass uchun janglarga Ukraina armiyasinikidan 20 baravar ko‘proq texnika jalb qilgan.Foto: AFP
Ukrainalik harbiylar Lisichanskdagi ishdan chiqarilgan “Jiguli” mashinasi yonida.Foto: AFP
Donetsk viloyatidagi Bahmut shahrida zarbalardan yashirinayotgan paramediklar. Shaharga hozirda Rossiya hujum qilmoqda.Foto: Reuters
Tibbiy hamshira Severodonetskda mina portlashidan yaralangan bemorga qaramoqda.Foto: AP Photo
Bahmutdagi nazorat-o‘tkazish punktida bolalar chizgan rasmlar.Foto: Reuters
Kiyev
23-may kuni Ukrainada “Russkiy voyenniy korabl — vsyo” yozuvli yangi pochta markasi sotuvga chiqarildi. Uni sotib olishni istagan yuzlab kishilar Markaziy pochta oldida to‘plandi.Foto: Getty Images
yuborilgan) taslim bo‘lish haqidagi talabiga javoban aytgan edi. Voqea 28-fevral kuni rossiyalik harbiylarning Zmeiniy oroliga hujumi vaqti ro‘y bergan." data-action="zoom" class="border lazyload" />
Rossiyalik serjant Vadim Shishirman sud zalida. 23-may kuni u tinch aholini o‘ldirishda ayblanib, umrbod qamoq jazosiga hukm qilindi. Shishimarin o‘z aybiga iqror bo‘lib, marhumning bevasidan kechirim so‘radi. U qotillik qilishni istamaganini, zobitning buyrug‘iga binoan o‘q uzganini aytdi.Foto: AFP
Xarkov
85 yoshli Lyudmila tomorqasiga qaramoqda. Rossiya Xarkovdan chekinib, shahar normal holatga qaytishni boshladi.Foto: AP Photo
Xarkovdagi bombalangan uylardan birining yaqinida yotgan oilaviy suratlar.Foto: AP Photo
Ilgari Sovet armiyasida xizmat qilgan aka-uka gurkovlar rus askarining jasadini yer ostidan chiqarib olmoqda.Foto: Getty Images
Oziq-ovqat tarqatish punktida un uchun navbat.Foto: AP Photo
Bucha
Kanadalik rassom Ivanka Siolkovskiy Buchada o‘q izlaridan qolgan teshiklar atrofida gullar chizdi.Foto: Getty Images
Siolkovskiy urush boshida qochqinlarga yordam berish uchun Torontodan Ukraina—Polsha chegarasiga kelgan, Bucha ozod qilingandan keyin esa shaharga tashrif buyurgan.Foto: Getty Images
Gul chizish g‘oyasi Siolkovskiyga mahalliy fuqaro bilan gaplashgandan so‘ng keldi. Fuqaro shunday degandi: “Devordagi o‘q izlari menga yo‘qotgan hamma narsamni eslatadi”.
yuborilgan) taslim bo‘lish haqidagi talabiga javoban aytgan edi. Voqea 28-fevral kuni rossiyalik harbiylarning Zmeiniy oroliga hujumi vaqti ro‘y bergan." data-action="zoom" class="border lazyload" />
Izoh (0)