Eronning Xuziston viloyati Obodon shahrida 10 qavatli “Metropol” ofis binosi qulab tushishi oqibatida kamida besh kishi halok bo‘lib, 27 kishi jarohat oldi. Bu haqda Tasnim agentligi xabar bergan.
Uning ma’lumotlariga ko‘ra, hodisa chog‘ida “Metropol”da taxminan 150 kishi bo‘lgan. Qizil yarim oy jamiyati vayronalar ostida 80 kishi bo‘lishi mumkinligi haqida xabar bermoqda.
Bino qulashi sabablari aniqlanmoqda, voqea joyida qutqaruvchilar va tibbiyot xodimlari ishlamoqda. Inshootning qolgan qismi ham vayron bo‘lib ketishi xavfi qutqaruv ishlarini murakkablashtirmoqda.
Bino egasi va pudratchi qo‘lga olingani aytilmoqda. Ofis markazi yaqinda qurib bitkazilgan. Ba’zi ma’lumotlarga ko‘ra esa, qurilish bosqichi hali tugallanmagan bo‘lgan.
Qidiruv-qutqaruv ishlariga qutqaruv mashinalari, vertolyot, qutqaruvchi itlar, tez yordam brigadalari jalb qilingan.
Mavzuga doir:
Izoh (0)