O‘zbekiston yanvar oyida 11 ta xorijiy davlatga qiymati 1,5 million dollarga teng bo‘lgan 1,7 ming tonna qalampir eksport qilgan. Bu haqda Davlat statistika qo‘mitasi xabar qildi.
Qayd etilishicha, qalampir eksporti 2021-yilning mos davri bilan solishtirilganda 180 tonnaga kamaygan. Yanvar oyida qalampir mahsulotlari eng ko‘p eksport qilingan davlatlar quyidagilar:
- Qozog‘iston – 1,3 ming tonna;
- Rossiya – 102 tonna;
- AQSh – 91,2 tonna;
- Qirg‘iziston – 86 tonna;
- Germaniya – 32,2 tonna.
O‘zbekiston karamni rekord darajada karam eksport qilishda davom etmoqda. Bunga tashqi bozorlarda ushbu mahsulotga talab keskin oshgani sabab bo‘lmoqda. Fevral oyida ham asosiy tashqi bozorlarda vaziyat oq boshli karam, Pekin karami, gulkaram va brokkoli yetishtiruvchi o‘zbekistonlik fermerlar va ekspert qiluvchilar uchun qulayligicha qolgan.
Shuningdek, O‘zbekiston 2021-yilda xorijga qiymati 22,7 million dollarga teng 82,9 ming tonna qovun va tarvuz eksport qilgan. Shu yili mamlakatda yetishtirilgan qovun va tarvuzlar 23 ta xorijiy davlatlar bozorlariga yetkazib berilgan. Eksport hajmi 2020-yil bilan solishtirganda 22,7 ming tonnaga kamaygan.
Izoh (0)