O‘zbekistonda 7-mart kuni COVID-19 ga qarshi 97 599 doza vaksina qo‘llandi, deb xabar bermoqda Sog‘liqni saqlash vazirligi. Shundan 6 610 doza birinchi bosqichda, 20 544 doza ikkinchi bosqichda va 70 445 doza uchinchi bosqichda qo‘llangan.
Shu kungacha O‘zbekistonda jami 46 548 292 doza vaksinadan foydalanilgan bo‘lib, ulardan 1-bosqichda emlanganlar 19 740 613 nafarni, 2-bosqichda emlanganlar 15 596 080 nafarni, 3-bosqich va buster doza bilan emlanganlar 11 211 599 nafarni tashkil qildi.
Kecha emlash ko‘rsatkichlari bo‘yicha yuqori o‘rinlarni:
- Toshkent viloyati (14 102 doza),
- Andijon viloyati (13 174 doza),
- Samarqand viloyati (11 014 doza) band qilgan.
Ta’kidlash kerakki, O‘zbekistonda 7-mart kuni 27 kishida koronavirus qayd etilib, mamlakatda pandemiya boshidan beri koronavirusga chalingani rasman tasdiqlanganlar soni 236 994 nafarga yetgan.
Avvalroq O‘zbekistonga COVAX dasturi doirasida vaksinatsiya uchun shprislar olib kelingani, O‘zbekistonda ishlab chiqarilgan ZF-UZ-VAC2001 vaksinasining yana 3,2 milliondan ortiq dozasi emlash uchun topshirilgani to‘g‘risida xabar berilgandi.
Izoh (0)