Chet el, jumladan, O‘zbekiston fuqarolari bo‘lib turgan Ukraina–Polsha chegarasidagi “Karchova” nazorat-o‘tkazish punkti yaqinidagi to‘planish nuqtasiga 2022-yil 4-mart kuni Polsha prezidenti Anjey Duda tashrif buyurdi. Bu haqda Tashqi ishlar vazirligining rasmiy vakili ma’lum qildi.
Tashrifi davomida mamlakat rahbari birinchi navbatda O‘zbekistonning Polshadagi elchixonasi diplomatlari yoniga kelib, ularning qo‘lini siqib, shunday dedi:
“Siz yurtingiz fuqarolari uchun muhim va ezgu ishni qilyapsiz. Sizning harakatlaringizni ko‘rib boshqa davlatlar diplomatlari va ko‘ngillilar faoliyatingizdan ilhom olishi shubhasiz. Menga O‘zbekiston hukumati o‘z fuqarolarini evakuatsiya qilishni birinchi bo‘lib boshlagani haqida aytib berishdi va bu sa’y-harakatlaringizni O‘zbekiston hukumatining o‘z fuqarolariga nisbatan muhim e’tibori va otalarcha g‘amxo‘rligi deb bilaman.
Hech qancha vaqt ilgari biz ham xuddi shunday vaziyatga tushib qolgandik va sizga qo‘shni bo‘lgan davlatni tark etgan fuqarolarimiz hamda Yevropa mamlakatlarining fuqarolaridan xavotirda edik. Biz ularni evakuatsiya qilishdek bu og‘ir operatsiyani faqat O‘zbekistonning faol ko‘magi bilan amalga oshira oldik. Bu bizning yodimizda”, – deydi Duda.
Anjey Duda ham O‘zbekiston fuqarolari bilan samimiy suhbatlashib, ularni qo‘llab-quvvatlashi va zarur yordam ko‘rsatishini aytib o‘tdi.
Bundan avval Ukrainadan Polsha orqali evakuatsiya qilingan o‘zbekistonliklar soni 2,5 ming kishidan oshgani haqida xabar berilgandi.
Mavzuga doir:
- Ukrainadan Moldovaga o'tgan o‘zbekistonliklar keyinroq evakuatsiya qilinadi — TIV
- Polsha orqali evakuatsiya qilinayotgan o‘zbekistonliklar 15-martgacha mamlakatni tark etishi kerak — TIV rasmiy vakili
- “Bomba portlashini kinoda ko‘rish bilan tanangda his qilish boshqa ekan” — shiddatli janglar kechayotgan Xarkovdan qaytgan o‘zbekistonliklar
Izoh (0)