O‘zbekistonda rubl deyarli 100 so‘mga qaytdi

Markaziy bank xorijiy valyutalarning o‘zbek so‘miga nisbatan 7-martda amalda bo‘ladigan qiymatini belgiladi.

Unga ko‘ra, rublning so‘mga nisbatan qiymati 6,06 so‘mga ko‘tarilib 99,1 so‘m bo‘ldi. Shu tariqa rubl 100 so‘mlik qiymatiga yaqinlashmoqda.

28-fevral, dushanba kuni rublning qiymati 130,6 so‘m edi. 1-mart kuni esa 21,46 so‘mga keskin pastlab, 108,6 so‘mga tushgan edi. Chorshanba kuni rubl 6,51 so‘mga ko‘tarilib, 115,11 so‘m bo‘lgan edi. 

So‘nggi ikki kunda rublning so‘mga nisbatan qiymati tushishda davom etdi. Payshanba va juma kuni uning qiymati mos ravishda 15,38 so‘m va 6,69 so‘mga pasayib, 93,04 so‘mgacha tushib ketgan edi.

Avvalroq o‘zbekistonliklar bir kunda 60 milliondan ortiq Rossiya rubli sotib olishgani haqida xabar berilgan edi.