Google ikkita yirik aloqa operatori bilan ularning smartfonlariga faqat o‘zining qidiruv tizimini o‘rnatish bo‘yicha kelishuv tuzgan. Bu haqda Euronews xabar bermoqda.
Kompaniya Avstraliyaning ikki yirik aloqa operatori — Telstra va Optus bilan noqonuniy bitimlar imzolagani uchun 55 million Avstraliya dollari (30 million yevro) miqdorida jarima to‘lashga rozi bo‘lgan.
Ular o‘z smartfonlariga faqat Google qidiruv tizimini oldindan o‘rnatib, boshqalarini o‘rnatishni taqiqlagan. Buning evaziga operatorlar IT-gigantning reklama daromadlaridan ulush olishgan.
Biroq Avstraliyada bunday amaliyot qonunlar bilan to‘g‘ridan-to‘g‘ri taqiqlangan. Avstraliya raqobat va iste’molchilar huquqlarini himoya qilish komissiyasining bayonotida ta’kidlanishicha, “raqobatni cheklash odatda iste’molchilar tanlovini cheklashga, narxlarning oshishiga va xizmat sifatining pasayishiga olib keladi”.
Google bu dalillarga qo‘shilishga majbur bo‘lgan va jarimani to‘lashga rozi bo‘lgan. Shuningdek, korporatsiya Android telefon ishlab chiqaruvchilari va aloqa operatorlari bilan tuzilgan shartnomalardan qidiruv tizimlarini oldindan o‘rnatish bo‘yicha ba’zi cheklovlarni olib tashlash majburiyatini oldi.
Telstra, Optus va ularning kichikroq raqobatchisi TPG o‘tgan yili Google bilan bunday bitimlarni uzaytirmaslik va qayta tuzmaslik bo‘yicha sud majburiyatini olgan edi.
Bundan avval an’anaviy ravishda trafikni jalb qilish uchun Google qidiruvga tayanadigan saytlar endi jiddiy qiyinchiliklarga duch kelayotgani, chunki foydalanuvchilar o‘z so‘rovlariga javob olish uchun ChatGPT va Perplexity kabi platformalarga tobora ko‘proq murojaat qilayotgani xabar qilingandi.
Iyun oyida Apple va Google akkauntlaridan 16 mlrd parol internetga tarqalgani ma`lum bo‘lgandi.
Izoh (0)