Shavkat Mirziyoyev talabalarni bandligini ta’minlash orqali ularning turmush darajasini oshirish yuzasidan videoselektor o‘tkazdi. Unda Ukrainadan olib kelingan talabalarga sharoit yaratish to‘g‘risida ham gap bordi.
“Bugungi kunda Ukraina oliygohlarida 370 dan ziyod yoshlarimiz ta’lim olmoqda va shundan 200 ga yaqini Vatanga qaytarildi. Qolganlarini ham yaqin 1 haftada qaytarish uchun barcha choralarni ko‘ryapmiz”, – dedi prezident.
Ushbu talabalarning aksariyati tibbiyot, transport, aviatsiya, iqtisodiyot, muhandislik, IT yo‘nalishlarida o‘qishmoqda.
Oliy ta’lim vazirligi, Tashqi ishlar vazirligi, viloyat hokimlari boshchiligida komissiya tashkil etilishi belgilandi.
Komissiya bir hafta muddatda Ukrainadan qaytgan talabalarni o‘zimizdagi oliygohlarda o‘qishini davom ettirishi uchun barcha sharoitlarni yaratib beradi.
Bunda, Komissiya o‘qishni O‘zbekistonda davom ettirish istagi bo‘lgan talabalarni soddalashgan tartibda ko‘chirishni hal etadi.
Mavzuga doir:
- “Barcha davlat tashkilotlari va muassasalarida talabalarning ishlashiga ruxsat beriladi” — Shavkat Mirziyoyev
- O‘zbekistonda OTMlarda pullik o‘quv kurslari, to‘garaklar tashkil etgan talabalar daromad solig‘idan ozod qilinadi
- O‘zbekiston OTMlaridagi bo‘sh xona va inshootlar talabalarga bepul ajratiladi
Izoh (0)