O‘zbekiston Tashqi ishlar vazirligi rasmiy vakili Yusup Kabuljanov Ukrainadagi vaziyat yuzasidan ommaviy axborot vositalari tomonidan yo‘llangan savollarga javoblar qaytardi.
Xususan, u Markaziy Osiyoning boshqa davlatlari fuqarolari ham Ukrainadan evakuatsiya qilishda O‘zbekistondan yordam so‘rab murojaat qildimi, degan savolga to‘xtalib o‘tgan.
“Markaziy Osiyo davlatlari va Ozarbayjon fuqarolaridan Lvovdagi muvofiqlashtirish markazimizga murojaatlar bo‘lib turibdi. Imkon darajasida ularni chegaragacha yetkazishda yordam berilmoqda”, — deydi u.
Shuningdek, Kabuljanov Polsha hududida evakuatsiya qilinishini kutayotgan O‘zbekiston fuqarolari 15 kun ichida ushbu mamlakatni tark etishlari zarurligini eslatib o‘tgan.
“Polshadan aholini evakuatsiya qilish bo‘yicha maxsus komissiya boshidanoq evakuatsiya uchun muhlatni 2022-yilning 15-martigacha belgilagan. Keyin esa chet el fuqarolari uchun vizasiz tartib tugaydi va jarimalar qo‘llanishi boshlanadi”, — deydi TIV rasmiy vakili.
Mavzuga doir:
- “Himoyalangan bunkerlarda qolish tavsiya etiladi”. TIV Ukrainaning ayrim shaharlaridan fuqarolarni evakuatsiya qilish harbiy harakatlar tugagach amalga oshirilishini ma’lum qildi
- Vatandosh jamoat fondi O‘zbekiston fuqarolarini ogohlantirib, xorijdagi harbiy harakatlarda ishtirok etmaslikka chaqirdi
- O‘zbekiston Kiyevdagi elchixonasini ko‘chirish masalasini ko‘rib chiqmayapti — TIV