Buxoro shahrida 6 ta avtomobil ishtirokida yo‘l-transport hodisasi sodir bo‘ldi, deya xabar qilmoqda viloyat IIB axborot xizmati.
Qayd etilishicha, 2022-yil 4-mart kuni soat 19:10 larda Buxoro shahar Islom Karimov ko‘chasidan o‘tuvchi yo‘lning “Buxoro Hududgaz” binosi ro‘parasida harakatlanib kelayotgan Lacetti haydovchisi to‘satdan yo‘nalishni o‘zgartirib, orqadan kelayotgan Spark bilan to‘qnashgan.
Oqibatida rul boshqaruvini yo‘qotgan va qarama-qarshi yo‘nalishga chiqib ketib, yo‘l chetida to‘xtab turgan 4 ta mashinaga shikast yetkazgan.
YTH oqibatida fuqarolar tan jarohati olmagan.
Holat yuzasidan Buxoro shahar IIO FMB mas’ul xodimlari tomonidan surishtiruv harakatlari olib borilmoqda.
Izoh (0)