Toshkent shahrida 20 yoshli fuqaroni pul evaziga futbol klubining birinchi ligasiga o‘tkazishni va’da qilib, uni chuv tushirgan shaxsga jinoyat ishi qo‘zg‘atildi. Bu haqda poytaxt IIBB axborot xizmati xabar berdi.
Chilonzor tumani IIO FMBga kelib tushgan xabarga ko‘ra, 2021-yilning iyun oyida 51 yoshli T.K. 20 yoshli D.P.ga futbol klubining ikkinchi ligasidan birinchi ligaga o‘tkazishni va’da qilgan. Fuqaro T.K. “xizmatlari” uchun 950 dollar olib, va’dasini bajarmagan.
Mazkur holat yuzasidan Jinoyat kodeksining 168-moddasi (firibgarlik) bilan jinoyat ishi qo‘zg‘atilgan. Tergov harakatlari davom etmoqda.
Eslatib o‘tamiz, 2019-yilda Toshkentda o‘g‘lini Ispaniya futbol akademiyasiga o‘qishga jo‘natish istagidagi ayol 35 million so‘mga chuv tushgandi.
Izoh (0)