Jizzax viloyati Jizzax shahrida qurilishi tugallanmagan binoning yuqori 3 qavati kimoshdi savdosiga qo‘yildi. Lot ma’lumotlari “E-auksion” portalida e’lon qilingan.
Lot izohida yozilishicha, 2021-yilda qurilishi boshlangan 8 qavatli binoning 6, 7 va 8-qavatlari sotuvga qo‘yilmoqda. Auksionga qo‘yilayotgan bino qismi 30 xonadan iborat, binoning umumiy maydoni 1 011 kvadrat metrni tashkil qiladi. Tugallanmagan turar joyda gaz, suv va elektr ta’minoti mavjud emas.
Auksionga qo‘yilgan binoning boshlang‘ich bahosi — 5,68 mlrd so‘m. Arizalar 9-mart 09:00 ga qadar qabul qilinadi. Savdolar xuddi shu kuni 10:00 da boshlanadi.
Bino iqtisodiy sud hukmi bilan Jizzax shahar MIB bo‘limi tomonidan auksionga qo‘yilgan.
Avvalroq Namanganda “Rim” restorani 15 mlrd so‘mga auksionga qo‘yilgani haqida xabar berilgan edi.
Izoh (0)