- AQSh — jami kasallanganlar soni 33,8 million kishi;
- Hindiston — 30,8 million;
- Braziliya — 19 million;
- Fransiya — 5,8 million;
- Rossiya — 5,7 million.
Moskvaga yetkazib berilgan M.P. Chumakov nomidagi markaz tomonidan ishlab chiqilgan va ishlab chiqarilayotgan koronavirusga qarshi “KoviVak” vaksinasi bir kecha-kunduzda tugadi.
10-iyul kuni “KoviVak” 14 ta vaksinatsiya punktiga yetkazilgan, shahar hukumati vaksinaning cheklangan miqdorda ekani haqida ogohlantirgan — har bitta punktga ko‘pi bilan 850 ta dozadan to‘g‘ri kelgan.
Aynan shu vaksinani olish uchun odamlar uzun navbatlarga tizilgan, ammo dori tugab qolgan.
Mutaxassislarning “KoviVak” atrofidagi shov-shuv bo‘yicha fikrlari turlicha. Versiyalardan biriga ko‘ra, vaksina cheklangan miqdorda ishlab chiqarilayotgani sababli e’tiborni tortmoqda. Ammo ekspertlarning barchasi vaksina hali klinik sinovlar bosqichida turgani va uning samaradorligi bo‘yicha hozircha aniq ma’lumotlar yo‘qligi haqida ogohlantirmoqda.
Rossiyada o‘tgan bir kecha-kunduzda COVID-19 oqibatida 710 kishi vafot etdi. Tezkor shtab ma’lumotlariga ko‘ra, mamlakatda ketma-ket bir haftadan buyon 700 dan ortiq kunlik o‘lim qayd etilmoqda. Koronavirus oqibatidagi eng ko‘p o‘limlar Moskva va Sankt-Peterburgda kuzatilmoqda.
Shuningdek, ketma-ket uch kundan buyon Rossiyada har kuni 25 mingdan ortiq odamda virus aniqlanmoqda.
Tailandda Xitoyning Sinovac vaksinasi bilan COVID-19’ga qarshi emlangan hamshira ko‘p o‘tmay vafot etdi.30 yoshli hamshira Xitoy vaksinasining ikkala dozasini ham olgan, ammo koronavirus bilan kasallanib qolgan va bir haftadan keyin vafot etgan. Bu haqda uning qarindoshi Facebook orqali ma’lum qilgan.
Tailand Sog‘liqni saqlash vazirligi ma’lumotlariga qaraganda, mamlakatda Sinov bilan to‘liq emlangan 677 348 tibbiy xodimdan 618 nafari (1 foizdan kamrog‘i) koronavirusni yuqtirib olgan. Mutaxassislar vaksinani uchta dozada olishni tavsiya qilgan, ko‘rib chiqilayotgan dorilardan biri — AstraZeneca vaksinasi.
Pandemiya boshidan buyon Tailandda 336,3 ming kishi COVID-19’ga chalingan, shularning 2,7 mingi vafot etgan.
Shuningdek:- Janubiy Koreya poytaxti Seulda eng yuqori — to‘rtinchi darajali koronavirus cheklovlari kuchga kirdi, ular ikki hafta amal qiladi. Bu mamlakatda iyun oxiridan buyon kasallanish darajasining oshishi fonida sodir bo‘ldi. 9-iyul kuni butun pandemiya davri uchun rekord ko‘rsatkich qayd etildi — bir kunda mamlakatda 1316 kishida virus aniqlandi, shularning 503 nafari Seul aholisidir.
- Germaniyaning BioNTech biotexnologiya kompaniyasi yuz kun ichida koronavirusning yangi shtammlariga qarshi vaksina yaratishi mumkinligi haqida kompaniya rahbarlari ma’lum qildi. Yangi vaksina uchun kompaniya tomonidan allaqachon ishlab chiqilgan dori asos qilib olinishi mumkin (bu kompaniya Pfizer bilan hamkorlikda vaksina ishlab chiqqan edi). Ular avgust oyidayoq delta shtammiga qarshi vaksinani klinik sinovdan o‘tkazishni boshlamoqchi.
Izoh (0)