Richard Brensonning koinot chegarasiga muvaffaqiyatli parvozi — suratlarda
Virgin Galactic kompaniyasi asoschisi milliarder Richard Brenson 11-iyul kuni o‘zining VSS Unity kosmik kemasida suborbital parvoz qildi. U bilan birga ikki uchuvchi va yana uch nafar yo‘lovchi koinotga chiqdi. Parvoz yaxshi o‘tdi — kema mo‘ljallangan balandlikka yetib bordi, yo‘lovchilar bir necha daqiqa vaznsizlik holatida bo‘ldi, shundan so‘ng VSS Unity Yerga xavfsiz qaytib tushdi. Milliarderning koinot chegarasiga uyushtirgan muvaffaqiyatli parvozi haqida Meduza fotoreportaj tayyorladi.
Richard Brenson “Amerika” kosmoportiga velosipedda yo‘l oldi.Foto: Reuters
Suborbital parvozdan oldin Richard Brensonni maktab o‘quvchilari o‘rab oldi.Foto: AP Photo
VSS Unity ekipaji a’zolari parvozdan oldin quchoqlashmoqda.Foto: Reuters
VSS Unity kosmik kemasi va uni olib ketayotgan VMS Eve tashuvchi samolyoti.Foto: EPA
Brensonning onasi sharafiga nomlangan VMS Eve (Virgin MotherShip Eve) tashuvchi samolyoti Nyu-Meksiko shtatidagi “Amerika” kosmoportidan uchib ketmoqda.Foto: AP Photo
Tashuvchi samolyot kosmik kemani taxminan 15 kilometr balandlikka olib chiqdi.Foto: Virgin Galactic
VSS Unity raketoplani VMS Eve tashuvchi samolyotidan ajralib, o‘z dvigatelini ishga tushirdi va koinot chegarasi tomon yo‘l oldi.Foto: Reuters
Tomoshabinlar VSS Unity kosmik kemasining parvozini kuzatmoqda.Foto: AFP
VSS Unity kemasi pastlashidan avval uning bortida o‘tirgan Richard Brenson. “Men bu haqda bolaligimdan orzu qilardim, lekin koinotga parvoz tasavvur qilganimdan mo‘jizaviyroq ekan”, — deydi Brenson.Foto: Virgin Galactic
VSS Unity kemasi pastlashidan avval uning bortida o‘tirgan yo‘lovchilar.Foto: Virgin Galactic
Raketa samolyotidagi yo‘lovchilarga Yerning bir qismi ko‘rinib turdi.Foto: Virgin Galactic
VSS Unity yo‘lovchilari bir necha daqiqa davomida vaznsizlik holatida bo‘ldi.Foto: Virgin Galactic
Raketa samolyoti qariyb 86 km balandlikka ko‘tarildi. AQShning Aeronavtika va koinotni tadqiq qilish milliy boshqarmasi koinot bilan chegaraga qadar masofani 80 km deb hisoblaydi. Biroq Blue Origin Brensonning parvozini kosmik parvoz deb atashdan bosh tortdi. Kompaniya dengiz sathidan 100 km balandlikni koinot bilan shartli chegara deb biladi, Xalqaro aviatsiya federatsiyasi ham xuddi shu pozitsiyani qo‘llab-quvvatlaydi.
VSS Unity raketoplani Nyu-Meksiko shtatidagi “Amerika” kosmoportiga qaytib tushmoqda. Uchuvchilar kemani qo‘l rejimida yerga tushirdi: raketoplan harakatlanuvchi dum qanoti bilan tormoz bergan holda, planer singari qo‘ndi.Foto: Reuters
Yerga qo‘ngach, Brensonni rafiqasi Joan Templman, o‘g‘li Sem va nevaralari kutib oldi.Foto: Virgin Galactic
Qo‘nishdan keyin VSS Unity kemasining ekipaji. Richard Brensonning yelkasida kema yo‘lovchilardan biri Sirisha Bandla.Foto: AFP
Brenson bilan bir qatorda, Virgin Galactic kompaniyasining bosh astronavt-instruktori Bet Mozes, ekspluatatsiyalar bo‘yicha yetakchi muhandis Kolin Bennet va hukumat bilan aloqalar bo‘yicha vitse-prezident Sirisha Bandla suborbital parvozda ishtirok etdi. Bu Mozesning koinotga ikkinchi parvozi — 2019-yil 22-fevralda u yagona yo‘lovchi bo‘lgan.
SpaceX bosh direktori Ilon Mask Brensonni “ajoyib parvoz” bilan tabrikladi, Bezos esa “u ham klubga qo‘shilishni intiqlik bilan kutayotganini” aytdi.
Izoh (0)