Jons Hopkins universiteti ma’lumotlariga ko‘ra, dunyoda koronavirusga chalinganlar soni 182 653 642 kishini tashkil qilmoqda, shularning 3 955 835 nafari vafot etgan. Kasallanish holatlarining soni bo‘yicha AQSh (33,6 million), Hindiston (30,4 million), Braziliya (18,6 million), Fransiya (5,8 million) va Rossiya (5,4 million) eng oldinda bormoqda.
Isroilda 1-iyul holatiga ko‘ra, o‘tgan bir kecha-kunduzda 307 kishida koronavirus aniqlandi, bu apreldan buyon eng yuqori ko‘rsatkichdir.
Shu tariqa jami kasallanganlar soni 1990 ga yaqinlashmoqda. Shularning 29 nafari og‘ir ahvolda, ular orasida 17 kishi sun’iy nafas oldirish apparatiga ulangan.
Isroil aholini emlash eng yuqori sur’atlarda borayotgan mamlakatlardan biridir, u yerda aholining 55 foizdan ortig‘i to‘liq, qariyb 60 foizi esa kamida bitta dozada emlangan.
Shunga qaramay, mamlakat Sog‘liqni saqlash vazirligi kelasi hafta Isroilda har kuni 500-600 nafardan bemor aniqlanishini kutmoqda.
Mavzuga doir: Isroilda koronavirus yangidan avj olayotgani ma’lum qilindi. Mamlakatda barcha cheklovlar bekor qilingandi
Sertifikat uni tan oladigan mamlakatlararo qo‘shimcha tekshiruvlarsiz sayohat qilish imkonini beradi. Hujjat QR-kod, smartfondagi elektron nusxa yoki qog‘oz shaklida bo‘lishi mumkin. U Yevroittifoqqa a’zo 27 ta mamlakatning barchasida, shuningdek, Shveysariya, Islandiya, Norvegiya va Lixtenshteynda tan olinadi.
Uni Yevroittifoq fuqarolari ham, ittifoqqa kirmaydigan va ushbu sertifikatni milliy darajada joriy qilmagan davlatlar vakillari ham olishi mumkin. Ammo uni vaksinatsiyadan keyin oladiganlar uchun bitta shart bor: ular Yevroittifoqda tan olingan to‘rtta vaksinadan bittasi bilan emlangan bo‘lishi kerak, bular: Pfizer/BioNTech, Oxford/AstraZeneca, Moderna hamda Johnson & Johnson vaksinalaridir.
Ammo Yevroittifoq darajasida ma’qullanmagan vaksinalar ham sertifikatga kiritilishi mumkin, u holda COVID-pasport egasi yo‘l olayotgan mamlakat hukumati ularni kiritish-kiritmaslikni o‘zi hal qiladi.
Yevropada cheklovlar yumshatilgani tufayli koronavirusga chalinganlar soni o‘sib ketdi.Jahon sog‘liqni saqlash tashkiloti (JSST) Yevropa byurosi direktori Xans Klyugening aytishicha, Yevro-2020 ga tashkilotchilik qilayotgan shaharlardagi stadionlarda hamda pab va barlarda olomon to‘planishi Yevroittifoqda koronavirusga chalinish soni o‘sishiga olib kelmoqda. So‘nggi bir kecha-kunduzda eng ko‘p kasallanish qayd etilgan o‘nta mamlakatning to‘rttasi Yevropa mintaqasida joylashgan.
JSST ma’lumotlariga ko‘ra, agar muxlislar va boshqa odamlar ehtiyotkor bo‘lmasa, mintaqada yangi kasallanish holatlarining o‘n haftadan buyon davom etayotgan kamayishi tugab, yangi to‘lqin boshlanadi.
O‘z navbatida, Germaniya ichki ishlar vaziri Xorst Zeexofer UEFA’ning Yevro-2020 ga ko‘p sonli odamlarni kiritish qarorini “mutlaqo mas’uliyatsizlik” deb atadi.
Shuningdek:- Portugaliya hukumati koronavirusga chalinish darajasi yuqori bo‘lgan hududlarda, shu jumladan, poytaxt Lissabonda 23:00 dan 05:00 gacha tungi komendantlik soatini joriy qilmoqda. Mamlakatda kunlik kasallanish holatlari soni fevraldan buyon eng yuqori nuqtaga yetdi — bir kunda 2000 dan ortiq odamda virus aniqlanmoqda.
- Ispaniyada hali emlanishga ulgurmagan yoshlar orasida kasallanish holatlari keskin ko‘paydi. Mamlakatning 47 million aholisining uchdan bir qismidan ko‘prog‘i to‘liq emlangan bo‘lsa-da, so‘nggi kunlarda kasallanish darajasi keskin oshdi — asosan emlanish uchun navbat kutayotgan yoshlar kasallanmoqda.
Izoh (0)