Samarqand viloyati Past Darg‘om tumanidan oqib o‘tuvchi kanaldan 17 yoshli qizning jasadi topilganligi holati yuzasidan 2021-yil 27-may kuni Jinoyat kodeksining 103-1-moddasi (o‘zini o‘zi o‘ldirishga undash) bilan jinoyat ishi qo‘zg‘atildi. Bu haqda Bosh prokuratura matbuot kotibi Hayot Shamsutdinov ma’lum qildi.
Ish tergov olib borish uchun Past Darg‘om tumani IIB Tergov bo‘limiga yuborilgan, deyiladi xabarda.
Eslatib o‘tamiz, 12-may kuni voyaga yetmagan S.X.ning jasadi Past Darg‘omdagi kanaldan topilgan. Qizning otasi uni zo‘rlash va qotillik qurboni bo‘lgani haqida da’vo qilgan. Ammo ekspertiza marhumaning tanasida zo‘rlash yoki boshqa turdagi jinoyat belgilarini aniqlamagan.
Bundan avval Andijonda zo‘rlangan 18 yoshli kelin voqeasini Senat nazoratiga olgani, Toshkentdagi Anhor kanalidan erkak jasadi topilgani hamda Xorazmda 19 yoshli kelin o‘zini osib o‘ldirgani haqida xabar berilgandi.
Izoh (0)