Bugun,

Toshkentda

+22°C

USD 11095.31
RUB 173.84
EUR 10772.44

Mahalliy

08.04.2021, 23:57

31136

Yoshlikni qo‘msab arg‘imchoqda o‘tirgan otaxon, Ramazonga atalgan do‘ppi, Toshkentning qoq markazidagi “yama”. 8-aprel suratlari

O‘zbekiston va dunyoda 8-aprel kuni kamera obyektiviga muhrlangan qiziqarli suratlarni taqdim qilamiz.

Yunusobod tumani, “Yunusobod” metro bekatidan chiqish hududi yaqinidagi bolalar maydonchasida bolaligini qo‘msab arg‘imchoqda o‘tirgan otaxon.

Tibbiyot xodimi Nyu-Dehlida yashovchi yigitdan koronavirus tahlili uchun namuna olmoqda.

Mavzuga doir: Hindiston poytaxtida komendantlik soati joriy qilindi, AQShda koronavirusning “hindcha” shtammi aniqlandi, asosiy vaksina ishlab chiqaruvchilari va xaridorlari kimlar? Koronaxabarlar

Niderlandiyaning Arnxem hayvonot bog‘ida yangi tug‘ilgan oq karkidon. Karkidonlarning homiladorlik davri 17-19 oy davom etadi. Tug‘ilgan bolasi 25 kilogramm atrofida bo‘ladi. Karkidonlarning barcha turlari Xalqaro Qizil kitobga kiritilgan.

Mavzuga doir: Toshkent hayvonot bog‘iga karkidon va zebralar olib kelinadi

Rossiyalik harbiy xizmatchi Stavropol yaqinida G‘alaba kuni paradining mashg‘ulotidan oldin yo‘l chetidan yugurib ketmoqda.

Mavzuga doir: AQShda Ikkinchi jahon urushi sabab maktabni tashlab ketgan faxriyga 77 yil o‘tib diplom topshirildi

Londonda joylashgan Kenery Uarf ishbilarmonlik mavzesidagi ofis binosining oynavand shiftida avtomobil yo‘li va trotuar aks etmoqda.

Bavariyada qattiq sovuq oqibatida daraxt va o‘simliklar muz bilan qoplandi. Hukumatning avvaldan ogohlantirishi natijasida fermer xo‘jaliklari turli usullar bilan hosilni saqlab qolish uchun ehtiyot choralarini ko‘rdi.

Toshkent shahri, Amir Temur xiyoboniga ketish yo‘lida qo‘yilgan, haydovchilarni chuqur borligidan ogohlantiruvchi belgi.

Mavzuga doir: “O‘zbekistonda 1 km yo‘lni qurish narxi 950 ming dollarni tashkil etadi” — Abdurahmon Abduvaliyev

Niqob taqqan eronlik ayol Tehrondagi AQShning sobiq elchixonasi devoriga anti-amerika ruhida chizilgan surat yonidan o‘tmoqda.

Mavzuga doir: Eronda bir kunda 14 mingga yaqin odam koronavirusga chalindi. Bu oxirgi to‘rt oy ichidagi kunlik antirekord

Islandiyaning Reykyanes yarimorolida yangi yoriqlardan vulqon otilmoqda. Ushbu vulqon 20-mart kunidan beri faolligicha qolmoqda.

Mavzuga doir: Islandiyada vulqon yoriqlari paydo bo‘ldi (foto va video)

“Yunusobod” metro bekatidan chiqayotgan erkak.

Mavzuga doir: “Tuproq qazib, tuproqlar ostida qolgan bolam”. Yunusobod metrosidagi fojia qurbonlari yaqinlarining o‘tgan bir yildagi hayoti va kompensatsiya muammolari haqida

Grenlandiyadagi Siumut (“Olg‘a”) partiyasi a’zolari Nuk shahridagi saylovlardan so‘ng e’lon qilingan natijalarni nishonlamoqda.

Tokiodagi markaziy chorrahalarining birida yo‘lni kesib o‘tayotgan odamlar. Tokio meriyasi Yaponiya hukumatidan shaharda COVID-19 kasalligi ko‘paygani sababli favqulodda cheklov choralarini ko‘rishga ruxsat so‘radi.

Mavzuga doir: Tokio aeroportida COVID-19 tufayli karantinga olingan ayol vafot etdi

Shimoliy Irlandiyada Brexit va COVID-19 cheklovlari fonida tartibsizliklar qayta tiklandi.

Mavzuga doir: Yevropa Ittifoqi Brexit shartlarini buzganlikda ayblab, Buyuk Britaniya ustidan sudga murojaat qildi

Rossiyaning Omsk shahrida yog‘gan yomg‘ir tufayli yo‘lda ko‘lmak hosil bo‘lgani bois tramvay relsi orqali narigi tarafga o‘tayotgan odamlar.

Mavritaniyaning Brakna shahrida ona bolalari bilan sayr qilmoqda. Cho‘l iqlimi hukmron bo‘lgan bu mamlakatda toza suvdan foydalanish masalasi juda dolzarbdir.

Beton to‘siq ustida turgan, yomg‘irdan ivib ketgan qarg‘a. Rossiyaning boshqa shaharlari singari poytaxt Moskva shahrida ham yomg‘ir aralash qor yog‘di.

Kuba poytaxti Gavana shahrida COVID-19 kasalligi aniqlanganidan keyin odamlar tasmalar bilan chegaralangan hududdagi uylarining eshigi oldida turishibdi. Mamlakat hukumati kasallik ko‘payishini nazorat qilish uchun yangi choralar e’lon qildi.

Sochidagi Rosa Xutor tog‘-chang‘i kurorti hududida BoogelWoogel karnavali bo‘lib o‘tdi.

Keniyada fermerning o‘g‘li 12 yoshli Stiven Mudoga daladan chigirtkalar to‘dasini haydab chiqmoqda. Chigirtkalar Afrika shoxi nomli qishloqning fermer xo‘jaligi uchun misli ko‘rilmagan xavf tug‘diradi.

Mavzuga doir: Yaponiya O‘rta Osiyo mamlakatlari va Afg‘onistonga chigirtkadan himoyalanish maqsadida 7,5 mln dollar ajratdi

Pokistonning Peshavor shahrida Ramazon oyidan avval yangi bosh kiyim sotib olayotgan erkak.

Mavzuga doir: O‘zbekistonda Ramazon oyining boshlanishi 13-aprel etib belgilandi

Shimoliy Irlandiyaning Belfast shahrida norozilik namoyishlari davom etayotgan paytda o‘g‘irlab, o‘t qo‘yib yuborilgan avtobus qarshisida turgan politsiya avtomobillari.

Avvalgi kunlarning fotogalereyalari:

Izoh(0) Biz Telegram’da

Ulashing:

Izoh

Asosiy yangiliklar

Mahalliy

Bosh vazir va Toshkent shahar hokimi binolarning 1-qavatidagi kafe va do‘konlarni buzish bo‘yicha ko‘rsatma bergani rad etildi

Kecha, 22:54

Dunyo

Xalqaro bedarak yo‘qolganlar haftaligi, 20 ming dollarlik echki, qayta avj olayotgan denge epidemiyasi — 31-may suratlari

Kecha, 22:25

Mahalliy

Qoraqalpog‘istonning Mo‘ynog‘idagi “Kemalar qabristoni” — suratlarda

Kecha, 23:28