Бугун,

Toshkentда

+20°C

USD 11095.31
RUB 173.84
EUR 10772.44

Маҳаллий

08.04.2021, 23:57

31135

Ёшликни қўмсаб арғимчоқда ўтирган отахон, Рамазонга аталган дўппи, Тошкентнинг қоқ марказидаги «яма». 8 апрель суратлари

Ўзбекистон ва дунёда 8 апрель куни камера объективига муҳрланган қизиқарли суратларни тақдим қиламиз.

Юнусобод тумани, «Юнусобод» метро бекатидан чиқиш ҳудуди яқинидаги болалар майдончасида болалигини қўмсаб арғимчоқда ўтирган отахон.

Тиббиёт ходими Нью-Деҳлида яшовчи йигитдан коронавирус таҳлили учун намуна олмоқда.

Мавзуга доир: Ҳиндистон пойтахтида комендантлик соати жорий қилинди, АҚШда коронавируснинг «ҳиндча» штамми аниқланди, асосий вакцина ишлаб чиқарувчилари ва харидорлари кимлар? Коронахабарлар

Нидерландиянинг Арнхем ҳайвонот боғида янги туғилган оқ каркидон. Каркидонларнинг ҳомиладорлик даври 17-19 ой давом этади. Туғилган боласи 25 килограмм атрофида бўлади. Каркидонларнинг барча турлари Халқаро Қизил китобга киритилган.

Мавзуга доир: Тошкент ҳайвонот боғига каркидон ва зебралар олиб келинади

Россиялик ҳарбий хизматчи Ставропол яқинида Ғалаба куни парадининг машғулотидан олдин йўл четидан югуриб кетмоқда.

Мавзуга доир: АҚШда Иккинчи жаҳон уруши сабаб мактабни ташлаб кетган фахрийга 77 йил ўтиб диплом топширилди

Лондонда жойлашган Кэнэрй Уарф ишбилармонлик мавзесидаги офис биносининг ойнаванд шифтида автомобиль йўли ва тротуар акс этмоқда.

Баварияда қаттиқ совуқ оқибатида дарахт ва ўсимликлар муз билан қопланди. Ҳукуматнинг аввалдан огоҳлантириши натижасида фермер хўжаликлари турли усуллар билан ҳосилни сақлаб қолиш учун эҳтиёт чораларини кўрди.

Тошкент шаҳри, Амир Темур хиёбонига кетиш йўлида қўйилган, ҳайдовчиларни чуқур борлигидан огоҳлантирувчи белги.

Мавзуга доир: «Ўзбекистонда 1 км йўлни қуриш нархи 950 минг долларни ташкил этади» — Абдураҳмон Абдувалиев

Ниқоб таққан эронлик аёл Теҳрондаги АҚШнинг собиқ элчихонаси деворига анти-америка руҳида чизилган сурат ёнидан ўтмоқда.

Мавзуга доир: Эронда бир кунда 14 мингга яқин одам коронавирусга чалинди. Бу охирги тўрт ой ичидаги кунлик антирекорд

Исландиянинг Рейкянес яриморолида янги ёриқлардан вулқон отилмоқда. Ушбу вулқон 20 март кунидан бери фаоллигича қолмоқда.

Мавзуга доир: Исландияда вулқон ёриқлари пайдо бўлди (фото ва видео)

«Юнусобод» метро бекатидан чиқаётган эркак.

Мавзуга доир: «Тупроқ қазиб, тупроқлар остида қолган болам». Юнусобод метросидаги фожиа қурбонлари яқинларининг ўтган бир йилдаги ҳаёти ва компенсация муаммолари ҳақида

Гренландиядаги Siumut («Олға») партияси аъзолари Нук шаҳридаги сайловлардан сўнг эълон қилинган натижаларни нишонламоқда.

Токиодаги марказий чорраҳаларининг бирида йўлни кесиб ўтаётган одамлар. Токио мэрияси Япония ҳукуматидан шаҳарда COVID-19 касаллиги кўпайгани сабабли фавқулодда чеклов чораларини кўришга рухсат сўради.

Мавзуга доир: Токио аэропортида COVID-19 туфайли карантинга олинган аёл вафот этди

Шимолий Ирландияда Brexit ва COVID-19 чекловлари фонида тартибсизликлар қайта тикланди.

Мавзуга доир: Европа Иттифоқи Brexit шартларини бузганликда айблаб, Буюк Британия устидан судга мурожаат қилди

Россиянинг Омск шаҳрида ёғган ёмғир туфайли йўлда кўлмак ҳосил бўлгани боис трамвай рельси орқали нариги тарафга ўтаётган одамлар.

Мавританиянинг Бракна шаҳрида она болалари билан сайр қилмоқда. Чўл иқлими ҳукмрон бўлган бу мамлакатда тоза сувдан фойдаланиш масаласи жуда долзарбдир.

Бетон тўсиқ устида турган, ёмғирдан ивиб кетган қарға. Россиянинг бошқа шаҳарлари сингари пойтахт Москва шаҳрида ҳам ёмғир аралаш қор ёғди.

Куба пойтахти Гавана шаҳрида COVID-19 касаллиги аниқланганидан кейин одамлар тасмалар билан чегараланган ҳудуддаги уйларининг эшиги олдида туришибди. Мамлакат ҳукумати касаллик кўпайишини назорат қилиш учун янги чоралар эълон қилди.

Сочидаги Роса Хутор тоғ-чанғи курорти ҳудудида BoogelWoogel карнавали бўлиб ўтди.

Кенияда фермернинг ўғли 12 ёшли Стивен Мудога даладан чигирткалар тўдасини ҳайдаб чиқмоқда. Чигирткалар Африка шохи номли қишлоқнинг фермер хўжалиги учун мисли кўрилмаган хавф туғдиради.

Мавзуга доир: Япония Ўрта Осиё мамлакатлари ва Афғонистонга чигирткадан ҳимояланиш мақсадида 7,5 млн доллар ажратди

Покистоннинг Пешавор шаҳрида Рамазон ойидан аввал янги бош кийим сотиб олаётган эркак.

Мавзуга доир: Ўзбекистонда Рамазон ойининг бошланиши 13 апрель этиб белгиланди

Шимолий Ирландиянинг Белфаст шаҳрида норозилик намойишлари давом этаётган пайтда ўғирлаб, ўт қўйиб юборилган автобус қаршисида турган полиция автомобиллари.

Аввалги кунларнинг фотогалереялари:

Изоҳ(0) Биз Telegram’да

Улашинг:

Изоҳ

Асосий янгиликлар

Маҳаллий

Бош вазир ва Тошкент шаҳар ҳокими биноларнинг 1-қаватидаги кафе ва дўконларни бузиш бўйича кўрсатма бергани рад этилди

Кеча, 22:54

Дунё

Халқаро бедарак йўқолганлар ҳафталиги, 20 минг долларлик эчки, қайта авж олаётган денге эпидемияси — 31 май суратлари

Кеча, 22:25

Маҳаллий

Қорақалпоғистоннинг Мўйноғидаги “Кемалар қабристони” — суратларда

Кеча, 23:28