Varrak uchirayotgan o‘zbek ayollari, katta qurilish boshlagan Kim Chen In, 50 yoshli maktab o‘quvchisi. Hafta suratlari
O‘tgan hafta davomida dunyo va O‘zbekistonda olingan suratlarni taqdim etamiz.
Toshkent viloyatining Parkent tumani Parkent qishlog‘ida tandirda pishayotgan ko‘k somsalar. Somsapaz ayolning so‘zlariga ko‘ra, somsalar ismaloqdan tayyorlanmoqda, aprel oyining o‘rtalariga kelib mador somsalar tayyorlana boshlanadi.Foto: “Daryo”
Myanmalik mahalliy aholi Paxuku shahri yaqinidagi qumli sohilda suv olib ketmoqda. Qum sohil Iravadi daryosi bo‘ylab joylashgan. Myanmada qurg‘oqchilik mavsumi fevral oyining o‘rtalaridan may oyining o‘rtalariga qadar davom etadi.Foto: Solent News
Xitoy zavodlaridan biridagi ishchi. Xitoy ushbu hafta 25 yil davomida barqaror neft ta’minoti evaziga Eron iqtisodiyotiga 400 milliard dollar investitsiya kiritishga rozi bo‘ldi. Ma’lumotlarga ko‘ra, Xitoy hukumati Eronning banklari, telekommunikatsiyasi, portlari, temiryo‘llari, sog‘liqni saqlash va axborot texnologiyalari sohasiga investitsiya kiritadi. Buning evaziga Xitoyga muntazam ravishda, katta chegirma bilan neft yetkazib berish ko‘zda tutilgan.Foto: Getty Images
Hindistonning Chennay shahrida Holi festivali paytida rangli kukun sepgan niqobdagi erkak. O‘tgan hafta davomida Hindistonning turli joylarida koronavirus pandemiyasiga qaramasdan, Holi festivali keng nishonlandi.Foto: Reuters
Toshkent viloyatining Parkent tumani Parkent qishlog‘idagi qirda varrak uchirayotgan dam oluvchilar. Shanba kuni tabiat qo‘yniga chiqib, bahor shamolida varrak uchirishda nafaqat yigitlar, balki qiz va ayollar ham faol bo‘ldi.Foto: “Daryo”
Dehqonlar Katmandudagi bug‘doy dalasini kesib o‘tmoqda. Nepal poytaxti Katmandu shahrida havoning ifloslanishi xavfli darajaga yetdi, hukumat to‘rt kunga maktablar faoliyatini to‘xtatdi. Sog‘liqni saqlash vazirligi aholiga uyda qolishni va favqulodda holatlar bo‘lmasa, ko‘chaga chiqmaslikni tavsiya qildi.Foto: EPA
Isroildagi xristian rohibalar Isoning Quddusga kirishi munosabati bilan nishonlanadigan kunda selfi tushmoqda.Foto: AP
Farg‘ona viloyatining Rishton tumanini anklav hudud hisoblangan So‘x bilan bog‘lovchi yo‘l 1-aprel kuni ochildi. Qirg‘izistonning Botken viloyati orqali boriladigan yo‘l 8 yildan buyon yopiq edi. Yo‘lning ochilishi natijasida Farg‘onaga olib boruvchi yo‘l so‘xliklar uchun qariyb 90 kilometrga qisqardi.Foto: “Daryo”
Sent-Tomas kasalxonasi shifokori Buyuk Britaniyaning London shahridagi COVID-19 qurbonlari xotirasiga tashkil qilingan yodgorlik devori orqasida turibdi. Yodgorlikka har bir koronavirus qurboni uchun bittadan yurakcha chizilgan. Ushbu yodgorlik qurbonlarning oila a’zolari tomonidan tashkil qilingan. Mamlakatda shu vaqtgacha 125 mingdan ortiq odam COVID-19 qurboniga aylangan.Foto: Reuters
Bangladeshda terini qayta ishlash fabrikasi ishchisi terilarni quritish uchun yerga yoyib chiqmoqda.Foto: Getty Images
Keniyaning Mombassa shahridagi orolni materik bilan bog‘lovchi ko‘prik ustidan o‘tayotgan piyodalar. COVID-19 tarqalishini cheklash uchun parom tashuvlari harakati ish vaqtlarida to‘xtatilgan.Foto: AFP
Indoneziyaning G‘arbiy Yava provinsiyasida neftni qayta ishlash zavodida yuz bergan yong‘inning yuqoridan ko‘rinishi. 29-mart kuni chiqqan yong‘in 31-martga kelibgina bartaraf etildi.Foto: Reuters
Rim yaqinidagi gul ekilgan maydonda lola terayotgan bolakay.Foto: AFP
AQShning Kanzas-Siti shahrida to‘lin oy fonida turgan juftlik.Foto: AP Photo
Yuzini butunlay ro‘mol bilan o‘rab olgan xitoylik. Shu vaqtgacha mamlakatda 100 milliondan ortiq aholi koronavirusga qarshi emlangan.Foto: Getty Images
Shimoliy Koreya yetakchisi Kim Chen In mamlakatdagi Potxong daryosi bo‘yida qurilayotgan uylarning qurilish maydoniga tashrif buyurdi. Mamlakat poytaxtida 10 mingta xonadon qurish rejasi partiyaning yanvar oyida bo‘lib o‘tgan sakkizinchi qurultoyida aytilgan. Kim Chen Inning ta’kidlashicha, Pxenyanning janubi-sharqidagi loyiha mamlakat poytaxtidagi uy-joy muammosini hal qiladi.Foto: Reuters
Angliyaning Blekpul shahrida bahor quyoshi ostida konki uchayotgan yosh qiz.Foto: Getty Images
Nigeriyaning Ilorin shahridagi gimnaziyada 50 yoshli Sheyd Ajayi dars mashg‘ulotlarida qatnashmoqda. O‘rta yoshgacha maktabga chiqmagan ayol o‘zidan deyarli 40 yosh kichik o‘quvchilar bilan birga o‘qish va yozishni o‘rganmoqda.Foto: Reuters
AQShning Boulder shahri janubida joylashgan supermarketda sodir bo‘lgan otishma vaqtida halok bo‘lgan politsiya xodimi Erik Telli tobuti Denver politsiyasining faxriy qorovuli tomonidan olib ketilmoqda. Otishma natijasida jami 10 kishi halok bo‘lgan.Foto: AP
tiqilib qolgandan so‘ng kanaldan o‘tish uchun dengizda navbatda turgan kemalar. Navbatda turgan kemalarning soni 450 dan oshgan. Suvaysh kanali orqali ikki yo‘nalishda ham kemalar harakati 29-mart, dushanba oqshomidan qayta tiklandi." data-action="zoom" class="border lazyload" />
boshladi. Fuqarolar AstraZeneca yoki ZF-UZ-VAC 2001 vaksinasidan birini tanlashi mumkin. Ikki kun ichida emlanganlar soni 14 mingdan oshdi." data-action="zoom" class="border lazyload" />
harbiy to‘ntarishga qarshi namoyishchilar cho‘zma yordamida tosh otmoqda. Harbiylar namoyishchilarga qarshi kuch qo‘llashda davom etmoqda. Mahalliy OAV va nodavlat tashkilotlar hisob-kitobiga ko‘ra, to‘ntarish boshlangandan buyon 400 dan ortiq odam o‘ldirilgan, jumladan, 40 dan ortiq bola ham." data-action="zoom" class="border lazyload" />
tiqilib qolgandan so‘ng kanaldan o‘tish uchun dengizda navbatda turgan kemalar. Navbatda turgan kemalarning soni 450 dan oshgan. Suvaysh kanali orqali ikki yo‘nalishda ham kemalar harakati 29-mart, dushanba oqshomidan qayta tiklandi." data-action="zoom" class="border lazyload" />
