Bugun,

  • USD 11095.31
  • RUB 173.84
  • EUR 10772.44

Yevropa Ittifoqi 15-mart, dushanba kuni Buyuk Britaniyaga qarshi sud ishlarini boshladi. Bryussel Britaniya hukumatini Brexit (Buyuk Britaniyaning Yevropa Ittifoqidan chiqishi) shartnomasining ayrim qoidalarini buzgan, deb da’vo qilmoqda. Bu haqda Reuters agentligiga tayanib, “RBK” xabar berdi.

Foto: Global Look Press

Foto: Global Look Press

Da’voning ochilishiga Buyuk Britaniya bosh vaziri Boris Jonsonning imtiyozli davrni mart oyining oxiridan 1-oktabrgacha bir tomonlama uzaytirish to‘g‘risidagi qarori sabab bo‘ldi. Bunda gap Londonning ba’zi oziq-ovqat mahsulotlarini mamlakatning qolgan qismidan Shimoliy Irlandiyaga, xususan, Irlandiya dengizi orqali olib kirishda cheklovlar qo‘yishni istamasligi haqida ketmoqda.

Brexit kelishuviga muvofiq, Shimoliy Irlandiya Yevroittifoq bilan bojxona shartnomasi ta’siri ostida qolmoqda, bu esa Shimoliy Irlandiya va Yevroittifoqning bir qismi bo‘lgan Irlandiya Respublikasi o‘rtasidagi chegarani to‘liq tiklamaslikka imkon beradi. Shartnomaning xususiyatlaridan biri shundaki, u Buyuk Britaniyani mamlakatning boshqa qismlaridan Shimoliy Irlandiyaga tovarlarni olib kirishda nazorat o‘rnatishga majbur qiladi. London esa imtiyozli davr tugashining amaldagi muddati nomukammal texnik protseduralar tufayli mintaqa ta’minotida uzilishlarga olib kelishi mumkin deb hisoblaydi.

Reuters ta’kidlaganidek, sud protsedurasining boshlanishi rasmiylarning Yevropa Ittifoqi Oliy sudiga murojaat qilganini anglatadi. Nazariy jihatdan, bu jarimaga sabab bo‘lishi mumkin, ammo amalda jarayon bir yilga cho‘zilishi mumkin, bu esa har ikki tomonni ham qoniqtiradigan yechim topishga vaqt beradi. Yevropa komissiyasi raisining o‘rinbosari Marosh Shefchovich Yevroittifoqdan chiqish bo‘yicha muzokaralarga mas’ul bo‘lgan Devid Frostga maslahatlarni boshlash taklifi bilan allaqchon xat yuborgan.

Jonson 15-mart, dushanba kuni imtiyozli davrni uzaytirish zarurligini e’lon qildi va buni boshqa masalalar qatorida Shimoliy Irlandiyada siyosiy kelishuvni rivojlantirish va normal savdo uchun sharoit yaratish zarurati bilan izohladi.

Avvalroq Brexit’dan keyin Buyuk Britaniyaning Yevropa Ittifoqiga eksport hajmi kamaygani haqida xabar berilgandi.

Eslatib o‘tamiz, Buyuk Britaniya va Yevropa Ittifoqi 2020-yil dekabr oyida Brexit’dan keyingi o‘zaro hamkorlik shartlarini kelishib olgan va Birlashgan Qirollik 2021-yil 1-fevral kuni 47 yillik a’zolikdan so‘ng Yevropa Ittifoqini tark etgan. Yanvar oyida Bloomberg nashri Buyuk Britaniyaning Yevroittifoqdan chiqish haqidagi qarori mamlakat iqtisodiyotiga 132,8 milliard funt sterling (173,8 milliard dollar)ga tushganini ma’lum qilgandi.

Izoh
Asosiy yangiliklar
Dunyo
Ilon Mask Twitter’da Apple reklamalari tiklanganini e’lon qildi
Dunyo
O‘zbekistondan Afg‘onistonga elektr energiyasi yetkazib berish to‘xtatildi
Mahalliy
Toshkentdagi gaz zapravkalari vaqtinchalik yopilmoqda