Braziliya vitse-prezidenti 67 yoshli Antoniu Amilton Martins Mouran COVID-19 bilan kasallandi, u o‘zini o‘zi yakkalash rejimiga o‘tkaziladi, deb yozadi “RBK” siyosatchining matbuot xizmatiga tayanib.
Uning qanday ahvolda ekanligi haqida aniq ma’lumot berilmadi. Globo nashrining so‘roviga javoban, matbuot xizmati uning ahvoli joyida ekanligini ma’lum qilgan. Vitse-prezident karantinni o‘zining rasmiy qarorgohida, Jaburu saroyida o‘tkazadi.
Braziliya prezidenti 65 yoshli Jair Bolsonaru yozda koronavirus bilan kasallanib o‘tgan edi. Davlat rahbarida yuqori tana harorati (38 daraja) va darmonsizlik kabi belgilar kuzatilgan.
Braziliya Sog‘liqni saqlash vazirligi ma’lumotlariga ko‘ra, mamlakatda 7 484 285 kishi kasallikni yuqtirib olgan. Jons Hopkins universiteti ma’lumotlari bo‘yicha, Braziliya pandemiya davrida koronavirusga chalinganlar soni bo‘yicha dunyoda AQSh va Hindistondan keyin uchinchi o‘rinda turibdi.
Mavzuga doir:
- Braziliya prezidenti Jair Bolsonaru koronavirusga qarshi emlanmasligini ma’lum qildi
- Fransiya prezidenti Emmanuel Makronda koronavirus aniqlandi
- Moldova bosh vaziri koronavirusga chalindi
- Ukraina prezidenti Vladimir Zelenskiy koronavirusga chalindi
- Polsha prezidenti Anjey Duda koronavirusga chalindi
Izoh (0)