Kamerun g‘arbida avtobus yuk mashinasi bilan to‘qnashib ketdi, oqibatda 37 kishi halok bo‘ldi, yana 18 kishi jarohat oldi, deb xabar beradi “RBK” Associated Press’ga tayanib.
Avtohalokat 27-dekabr kuni ertalab Fumban—Yaunde yo‘lida sodir bo‘lgan, 70 o‘rinli avtobus Kamerun poytaxti Yaundega ketayotgan edi. “Odamlar Rojdestvo bayramlaridan qaytayotgan edi, yo‘lovchilarning bir qismi esa Yangi yilni kutib olish uchun qarindoshlarinikiga yo‘l olgan edi”, — deya ma’lum qildi hududiy ma’muriyat a’zosi Absalom Monono Voloa agentlikka. U qurbonlar soni oshishi mumkinligini qo‘shimcha qildi.
Eslatib o‘tamiz, Namanganda 16-dekabr kuni MAN va Nexia ishtirokida yuz bergan YTH oqibatida 6 kishi halok bo‘lgan, ulardan 4 nafari bir oila vakillari edi.
Peruda esa haydovchi avtobusning jarlikka tushib ketishidan qutqarib qoldi.
Mavzuga doir:
- Qamchiq dovonida 14 soat ichida 13 ta mashina ishtirokida 3 ta YTH sodir bo‘ldi
- Oqdaryoda ortidan yuk mashinasi kelib urgan avtobus pastlikka ag‘darildi, bir yo‘lovchi kasalxonaga yotqizildi
- Peruda haydovchi avtobusni jarlikka tushib ketishidan qutqarib qoldi (video)
- Namanganda 6 kishining umriga zomin bo‘lgan avtohalokat sabablarini o‘rganish uchun maxsus komissiya tuzildi
Izoh (0)