Sarimsoq va tomat sousi qo‘shib go‘shtli rulet pishiramiz

Ushbu taom kechki ovqat uchun yaxshi variant.

Quyidagi mahsulotlar kerak bo‘ladi:

• Mol yoki tovuq go‘shti — 500 gr
• Tomat sousi — 25 gr
• Petrushka
• Sarimsoq piyoz
• O‘simlik yog‘i —  20 osh qoshiq
• Sariyog‘ — 10 gr
• Tuz, murch — ta’bga ko‘ra
• Suv — 50 ml

• Sous tayyorlab oling: buning uchun bir osh qoshiq o‘simlik yog‘i solingan tovaga sariyog‘ solib eriting, tomat qo‘shing.
• Mayda to‘g‘ralgan sarimsoq va petrushkani solib aralashtiring.
• Tuz va murch seping, 1-2 daqiqadan keyin olovni o‘chiring.
• Xohishingizga qarab bo‘laklarga bo‘lingan go‘shtni, urib yupqa holga keltiring.
• Ikki tomoniga ham sous surting.
• Go‘shtni rulet ko‘rinishida o‘rab, maxsus cho‘p bilan mahkamlang.
• 1 osh qoshiq yog‘ solingan tovaga ruletlarni terib 1-2 daqiqa qovuring.
• Pech uchun mo‘ljallangan idishga ruletlarni tering, suv soling va idish ustini zarli qandolat qog‘ozi bilan yoping.
• 180 daraja qizigan pechda 50 daqiqa davomida pishirib oling.
• Taomga garnir sifatida guruch yoki pyure qo‘shib iste’mol qilsa bo‘ladi.