Pishloq va ko‘k piyozdan ajoyib pirog retsepti

Ushbu pirogning ichiga go‘sht, qo‘ziqorin, boshqa pishirilgan sabzavotlar ham qo‘shish mumkin.

Xamir uchun kerakli masalliqlar:

• Un – 220 g;
• Sariyog‘ – 150 g;
• Tuxum sarig‘i – 1 dona;
• Tuz

• Tuxum – 2 dona;
• Tuxum sarig‘i – 1 dona;
• Qaymoq – 50 g;
• Pishloq – 200 g;
• Ko‘k piyoz

1. Idishga un va tuz solinib, sariyog‘ qirg‘ichdan o‘tkaziladi. Maydalangan sariyog‘ un bilan yaxshilab uvalanadi. Tuxum sarig‘i va suv solinib, o‘rtacha qattiqlikda xamir qoriladi. Xamirni tindirish uchun 30 daqiqaga muzlatkichga qo‘yiladi.
2. Pech 180 darajada qizdiriladi. Xamir ikki bo‘lakka bo‘linadi: biri kattaroq, biri kichikroq. Xamirning kattasi yoyilib qolipga joylashtiriladi va ustidan ozgina un sepiladi.
3. Ko‘k piyozning oq va yashil qismi mayda to‘g‘raladi. Sariyog‘ tovada eritilib, 10 daqiqa davomida ko‘k piyoz qovurib olinadi. Kichikroq idishda tuxum, tuxumning sarig‘i va qaymoq yaxshilab aralashtiriladi. Hosil bo‘lgan massaga pishloq maydalab solinadi.
4. Qovurilgan ko‘k piyoz hamda pishloqli massa qolipga joylashtirilgan xamir ustiga quyiladi. Xamirning ikkinchi bo‘lagi yoyilib, birinchi bo‘lakning ustidan yopiladi. Xamirning chetidan massa chiqib ketmasligi uchun yaxshilab bir biriga yopishtirib chiqiladi. Pirogning ustiga tuxum sarig‘i surtiladi va pirogning o‘rta qismi bug‘ chiqishi uchun kesib qo‘yiladi.
5. Pirog 3­5–40 daqiqa davomida qizarguncha pishiriladi. So‘ngra xona haroratida sovitiladi.