Bahor mavsumi turli salatlar tayyorlash mumkin. Sabzavot va foydali mahsulotlardan iborat mazali salatni kechki ovqat o‘rniga ham iste’mol qilish mumkin.Tez tayyorlanadigan va mazasi og‘izda eriydigan salat tayyorlashni istaganlar uchun grekcha salat retseptini taqdim qilamiz.

Foto: Getty Images

Kerakli mahsulotlar:

  • Bodring – 5 dona
  • Pomidor – 3 dona
  • Qizil piyoz – 1 dona
  • Bulg‘or qalampiri – 2 dona
  • Qora zaytun – 10-15 dona
  • Pishloq – 100-150 gramm
  • Sarimsoq piyoz — 1-2 dona
  • Tuz – 1 choy qoshiq
  • Limon sharbati – 1 osh qoshiq
  • Zaytun moyi – 4 osh qoshiq (O‘simlik yog‘ini ham ishlatish mumkin)
  • Murch – ta’bga ko‘ra
  • Quritilgan oregano – ta’bga ko‘ra

Tayyorlanish jarayoni:

  1. Salat tayyorlashni boshlashdan oldin hamma mahsulotlarni yuvib, artib tayyorlab olish kerak.
  2. Bodringni yarim dumaloq shaklda to‘g‘rang.
  3. Pomidorni o‘rtacha qalinlikda to‘g‘rang.
  4. Qolgan mahsulotlarni ham to‘g‘rang.
  5. Yanada rang-barang bo‘lishi uchun bulg‘or qalampirini sariq va qizil rangidan foydalaning, ularni to‘rtburch shaklda to‘g‘rang.
  6. Sarimsoqni maydalab, limon sharbati, tuz va zaytun moyi, shuningdek, murch, oregano qo‘shib sous tayyorlang.
  7. Sousni to‘g‘ralgan sabzavot va mahsulotlarga qo‘shib aralashtiring va salat tayyor.

Yoqimli ishtaha!