Limonli ichimlik yoki limonadni yilning to‘rt faslida ham ichish tavsiya etiladi. Yoz kunlarida chanqoqni qondiradigan eng ajoyib vosita hisoblansa, qishda avitaminozning oldini oladi, bahor va kuzda shunchaki ko‘tarinki kayfiyat baxsh etadi.
Limonli ichimlik uchun kerakli mahsulotlar:
- Limon – 4 dona;
- Laym – 1 dona;
- Shakar – ½ stakan;
- Suv – 2 litr;
- Yalpiz bir bog‘lam;
- Tuz ta’bga ko‘ra.
- Limon va laym avval yuviladi va ustidan qaynoq suv quyiladi;
- Mevalar o‘rtasidan kesib olinib, sharbati siqiladi. Sharbat siqqichdan foydalanish mumkin, yoki qo‘l yordamida amalga oshiriladi;
- Hosil bo‘lgan sharbatda mevalar urug‘i bo‘lmasligi kerak;
- Limonning po‘stlog‘i qirg‘ichdan o‘tkaziladi;
- Sirop tayyorlanadi, buning uchun idishga 2 litr suv quyiladi va 0,5 stakan shakar solinadi. Shakar butunlay erigandan so‘ng limonning maydalangan po‘stlog‘i va yalpiz yaproqlari solinadi. Sirop qaynagandan keyin bir soat davomida sovutiladi.
- Sirop elak yoki ikki qavatli doka bilan suzib olinadi. Unga limon va laym sharbati qo‘shiladi. Oxirida esa birozgina tuz sepiladi.
- Ichimlik yaxshilab aralashtiriladi, agar quyuqroq bo‘lsa, qaynatilgan suv yordamida biroz suyultiriladi.
- Tayyor bo‘lgan tetiklashtiruvchi limon sharbati muzlatgichga sovutishga qo‘yiladi. Chanqoqbop ichimlikni yalpiz yaprog‘i yoki limon bo‘lagi bilan bezatish mumkin.
- Shuningdek, ichimlikka boshqa sitrus mevalardan apelsin, mandarin, greypfrutni ham qo‘shsa bo‘ladi.
Izoh (0)