Moxito issiq havoda ichish uchun eng yaxshi ichimliklardan biri hisoblanadi. Aksar hollarda moxitoga alkogol qo‘shib tayyorlanadi, lekin biz e’tiboringizga alkogolsiz, katta-yu kichik ichishi mumkin bo‘lgan retseptni havola etamiz. Uni uy sharoitida bemalol tayyorlash mumkin.

Foto: Wall Here

Kerakli mahsulotlar:

  • Sprite (ichimlik)
  • Muz bo‘laklari
  • Laym
  • Shakar
  • Yalpiz

Tayyorlash jarayoni:

  1. Laymni yaxshilab yuvib, qog‘oz ustiga qo‘yib quriting keyin ikki bo‘lakka bo‘ling. Bir bo‘lagini bezatish uchun olib qo‘yib, ikkinchisini sanchqi yordamida ezing.
  2. Sharbat solishga mo‘ljallangan idishga ezilgan laymni, keyin esa yalpizni qo‘lingiz bilan maydalab soling.
  3. Muz bo‘laklarini ham soling.
  4. Jarayon so‘ngida idishga Sprite quying.
  5. Tayyor ichimlikni yalpiz yoki stakan chetiga laym qo‘yib bezating.