Ushbu taom dasturxoningizni bezashi, mazasi esa og‘zingizda qolishi aniq.

Kerakli mahsulotlar :

• baqlajon — 5 dona;
• piyoz — 2 dona;
• sabzi — 1 dona;
• guruch — 0,5 piyola;
• kartoshka — 4 dona;
• pomidor — 4 dona;
• qaymoq — 300 ml;
• tuxum — 2 dona;
• pishloq — 150 gr;
• ta’bga ko‘ra, tuz va murch.

• Baqlajonni yupqa dumaloq shaklda kesib, yarim soat tuzlangan suvga solib qo‘ying.
• Vaqt o‘tganidan keyin 15 daqiqaga 180 daraja qizigan pechga qo‘yib pishirib oling.
• Piyoz va sabzini o‘simlik yog‘ida qovurib oling.
• Guruch qo‘shing va ustidan issiq suv soling.
• Boshqa bir tovada dumaloq qilib to‘g‘ralgan kartoshkalarni qovurib oling.
• Pechga qo‘yishga mo‘ljallangan idishning chetlarini yog‘lang va sabzavotlarni ustma-ust qilib terib chiqing.
• Birinchi baqlajon keyin pomidor, kartoshka, sabzili aralashma va eng ustidan yana baqlajon tering.
• Sabzavotlar ustidan qaymoq, tuxum, tuz va murch seping.
• Ustidan qirg‘ichdan chiqarilgan pishloq soling va 180 daraja qizigan pechga 30 daqiqaga qo‘ying.