Сабзавотлардан қайлали тансиқ таом рецепти

Ушбу таом дастурхонингизни безаши, мазаси эса оғзингизда қолиши аниқ.

Керакли маҳсулотлар :

• бақлажон — 5 дона;
• пиёз — 2 дона;
• сабзи — 1 дона;
• гуруч — 0,5 пиёла;
• картошка — 4 дона;
• помидор — 4 дона;
• қаймоқ — 300 мл;
• тухум — 2 дона;
• пишлоқ — 150 гр;
• таъбга кўра, туз ва мурч.

• Бақлажонни юпқа думалоқ шаклда кесиб, ярим соат тузланган сувга солиб қўйинг.
• Вақт ўтганидан кейин 15 дақиқага 180 даража қизиган печга қўйиб пишириб олинг.
• Пиёз ва сабзини ўсимлик ёғида қовуриб олинг.
• Гуруч қўшинг ва устидан иссиқ сув солинг.
• Бошқа бир товада думалоқ қилиб тўғралган картошкаларни қовуриб олинг.
• Печга қўйишга мўлжалланган идишнинг четларини ёғланг ва сабзавотларни устма-уст қилиб териб чиқинг.
• Биринчи бақлажон кейин помидор, картошка, сабзили аралашма ва энг устидан яна бақлажон теринг.
• Сабзавотлар устидан қаймоқ, тухум, туз ва мурч сепинг.
• Устидан қирғичдан чиқарилган пишлоқ солинг ва 180 даража қизиган печга 30 дақиқага қўйинг.