2-dekabrda XX asrning eng iste’dodli dizaynerlaridan biri bo‘lgan, Versace brendi asoschisi Janni Versache tug‘ilgan kun. U1946-yilda Italiyaning Rejo di Kalabriya shahrida tug‘ilgan. Oilada akasi Santo, singlisi Donatella bilan birgalikda o‘sib-ulg‘aygan.
Jannining onasi tikuvchi bo‘lgan. Onasiga qarashli Francesco Versace atelyesida yoshligidan onasiga matolar tanlash, ularga mos keladigan bezak va aksessuarlarni qo‘yishda ko‘maklashgan. Aynan shu yerda u andaza chizishni, libos tikishni o‘rgangan. Brendga qarashli birinchi butik 1978-yilda Milanda, Via della Spiga’da ochilgan va ko‘p o‘tmay mashhurlikka erishgan. Bugungi kunda Versace dunyoning yetakchi modalar uyidan biri hisoblanadi.
Brend atir, kosmetika, aksessuar, liboslar, sumka va uy jihozlarini ishlab chiqaradi. Mazkur brend noyob matolar va bejirim ishlovlar bilan o‘z kolleksiyasini boyitib boradi. Versace brendi asoschisi Janni Versachi vafotidan so‘ng, 1997-yildan boshlab uning singlisi Donatella Versachi kompaniyani boshqara boshlagan.
Quyida brendni xush ko‘radigan mashhurlarning Versace libosidagi suratlarini e’tiboringizga havola etamiz.
Mavzuga doir:
- Versace futbolkalardagi geografik xato uchun Xitoydan uzr so‘radi
- Yiliga 22,5 million dollar to‘lanadigan model (foto)
- Fotogalereya: Dunyoning go‘zal va mashhur birinchi xonimlari
- Dunyoning eng chiroyli malika va qirolichalarining ko‘rinishi qanday? (foto)
- Fotogalereya: Yilning eng urf bo‘lgan kiyimlari
Izoh (0)